x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sinfónían á Airwaves: Íslensk hljómsveitarverk

Á tónleikum Sinfóníuhljómsveitar Íslands á Iceland Airwaves hljóma verk eftir fjögur íslensk tónskáld sem vakið hafa mikla athygli á síðustu árum. Anna Þorvaldsdóttir hlaut Tónskáldaverðlaun Norðurlandaráðs 2012 fyrir verk sitt, Dreymi, og bæði Þuríður Jónsdóttir og Hildur Guðnadóttir voru tilnefndar til sömu verðlauna fyrir verkin sem hljóma á þessum tónleikum. Um Dreymi sagði í rökstuðningi dómnefndar: „Verkið vex við hverja hlustun og vekur forvitni okkar og löngun til að heyra meira.“

Flow and Fusion eftir Þuríði Jónsdóttur er heillandi samruni rafhljóða og tóna hljómsveitarinnar; tónskáldið hafði að eigin sögn í huga „ólíka tauma flæðandi glóðheitrar bergkviku sem sameinast í einni iðandi hraunkvoðu“. Verk Hildar Guðnadóttur er óvenjuleg könnun á undirmeðvitundinni og mótast af sífelldum birtuskiptum sem stjórnandinn hefur umsjón með.

Aequora er stemningsríkt verk eftir Maríu Huld Markan Sigfúsdóttur sem m.a. var flutt af Fílharmóníuhljómsveit Los Angeles nýverið og var tilnefnt til Íslensku tónlistarverðlaunanna sem tónverk ársins.

  • Efnisskrá

    Anna Þorvaldsdóttir Dreymi
    Hildur Guðnadóttir Undir tekur yfir
    María Huld Markan Sigfúsdóttir Aequora
    Þuríður Jónsdóttir Flow and Fusion

    HLJÓMSVEITARSTJÓRI
    Anna-Maria Helsing