x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sigrún spilar Beethoven

Sinfóníuhljómsveit Íslands

Dásamlegur fiðlukonsert Beethovens í flutningi Sigrúnar Eðvaldsdóttur.

EFNISSKRÁ
Ludwig van Beethoven Fiðlukonsert
Alice Mary Smith Sinfónía nr. 1
Richard Strauss Tod und Verklärung

HLJÓMSVEITARSTJÓRI
Stefan Solyom

EINLEIKARI
Sigrún Eðvaldsdóttir

Fiðlukonsert Beethovens var tímamótaverk og setti markið hátt fyrir tónskáld 19. aldar sem fetuðu í fótspor hans og sömdu verk af sama toga. Tónsmíðin er í senn ljóðræn, glettin og kraftmikil, og sýnir því allar hinnar ólíku hliðar á bæði hljóðfærinu og einleikaranum sem mundar það. Það er vel við hæfi að hann hljómi á Beethoven-ári í flutningi Sigrúnar Eðvaldsdóttur, konsertmeistara Sinfóníuhljómsveitar Íslands, sem er landsþekkt fyrir innblásinn og tjáningarríkan flutning.

Á seinni hluta tónleikanna hljóma tvö hljómsveitarverk frá síðari hluta 19. aldar. Alice Mary Smith var eitt helsta kventónskáld Bretlands á þeirri tíð, samdi fjölda kórverka og kammertónlist en einnig tvær merkar sinfóníur. Sú fyrri er samin árið 1863 og er sérlega áhrifarík og kraftmikil. Tónlistin minnir nokkuð á Mendelssohn sem einmitt naut mikillar hylli á Bretlandseyjum.

Tónleikunum lýkur með hinu mikilfenglega tónaljóði Tod und Verklärung (Dauði og uppljómun), þar sem lýst er þönkum listamanns á dauðastundu. Litríkur tónavefur Strauss fær að njóta sín jafnt í tignarlegum hápunktum sem í fíngerðustu blæbrigðum hljómsveitarinnar.

Sænski hljómsveitarstjórinn Stefan Solyom stjórnar nú í fyrsta sinn í Eldborg, en hann stjórnaði allnokkrum tónleikum Sinfóníuhljómsveitar Íslands í Háskólabíói með frábærum árangri. Hann var um árabil tónlistarstjóri í Weimar og er nú aðalstjórnandi Sinfóníuhljómsveitarinnar í Helsingborg.

Nánar um tónleikana á vef hljómsveitarinnar.

Tónleikakynning í Hörpuhorni kl. 18:00.

Deila