x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Schumann og Saariaho – Sinfóníuhljómsveit Íslands

Þessi viðburður er liðinn

Á þessum tónleikum Sinfóníuhljómsveitar Íslands hljóma verk eftir Robert Schumann og Kaiju Saariaho. Fjórða sinfónía Schumanns er tilfinningaþrungið og glæsilegt verk, þar sem hugmyndaauðgi og frumleiki tónskáldsins nýtur sín til fulls, enda bar frumútgáfa þess titilinn „Sinfónísk fantasía fyrir stóra hljómsveit“. Tónlistin er til skiptis dramatísk, dulúðug og sprellfjörug, enda Schumann þekktur fyrir að gefa hinum fjölbreyttustu tilfinningum útrás í tónlist sinni.

Einnig hljómar á tónleikunum glitrandi flautukonsert eftir Kaiju Saariaho, sem er eitt fremsta tónskáld samtímans. Hún samdi verkið, sem útleggst sem Draumvængur á íslensku, innblásin af fuglasöng í sínum ýmsu myndum, en einnig af sögum frumbyggja í Ástralíu. Verkið hefur fengið frábæra dóma og er almennt talið einn mikilvægasti flautukonsert síðustu áratuga. Hljómsveitarstjóri er Daníel Bjarnason, aðalgestastjórnandi Sinfóníuhljómsveitar Íslands, en hann hlaut nýverið ásamt hljómsveitinni tilnefningu til hinna virtu Grammy-verðlauna.

Tónleikunum er útvarpað beint á Rás 1.

Takmarkað sætaframboð á tónleikana
Í samræmi við sóttvarnarlög er sætaframboð á tónleikana takmarkað við 100 tónleikagesti í fjórum sóttvarnarhólfum. Í það minnsta tvö auð sæti eru á milli allra pantana til að tryggja nálægðarmörk milli gesta. Gestum ber einnig skylda að vera með grímu á tónleikunum. Tónleikarnir eru um klukkustundarlangir án hlés. Við biðjum tónleikagesti að gæta vel að sóttvarnarreglum og kynna sér leiðbeiningar til tónleikagesta áður en mætt er á tónleikana. Stöndum saman, við erum öll almannavarnir.

  • Efnisskrá

    Kaija Saariaho: Aile du songe, flautukonsert
    Robert Schumann: Sinfónía nr. 4

    HLJÓMSVEITARSTJÓRI
    Daníel Bjarnason

    EINLEIKARI
    Áshildur Haraldsdóttir

    KYNNIR
    Halla Oddný Magnúsdóttir

Deila