x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sæunn og Víkingur á Myrkum – Sinfóníuhljómsveit Íslands

Þessi viðburður er liðinn

Íslensk samtímatónlist hefur verið í brennidepli víða um heim undanfarin misseri. Í febrúar 2017 var haldin Íslandsvika í hinni nývígðu tónleikahöll Elbphilharmonie í Hamborg og í apríl hélt Fílharmóníuhljómsveitin í Los Angeles 10 daga hátíð sem helguð var íslenskri tónlist. Í báðum tilvikum voru pöntuð ný íslensk tónverk og á tónleikum Sinfóníuhljómsveitar Íslands á Myrkum músíkdögum hljóma þau í fyrsta sinn hér á landi.

Glæsilegur píanókonsert Hauks Tómassonar hlaut frábærar viðtökur bæði í Hamborg og Los Angeles þar sem Víkingur Heiðar Ólafsson flutti hann undir stjórn Esa-Pekka Salonen. Páll Ragnar Pálsson samdi sellókonsert sinn innblásinn af lýsingu í skáldsögunni Stóra skjálfta eftir Auði Jónsdóttur, en verkið samdi hann fyrir Sæunni Þorsteinsdóttur sem er einn okkar fremsti sellóleikari.

Stjórnandi tónleikanna er Daníel Bjarnason, en hann var einmitt listrænn stjórnandi Reykjavíkurhátíðarinnar í Los Angeles ásamt Esa-Pekka Salonenn og stýrði þar frumflutningi á verkum Þuríðar og Páls Ragnars.

  • Efnisskrá

    Sebastian Fagerlund Drifts
    Haukur Tómasson Píanókonsert nr. 2
    Páll Ragnar Pálsson Quake fyrir selló og kammersveit
    Magnús Blöndal Jóhannsson Adagio
    Haukur Tómassson Í sjöunda himni

    HLJÓMSVEITARSTJÓRI
    Daníel Bjarnason

    EINLEIKARAR
    Sæunn Þorsteinsdóttir
    Víkingur Heiðar Ólafsson