x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Sæunn og Shostakovitsj – Sinfóníuhljómsveit Íslands

Dramatísk örlög og frelsisþrá eru leiðarstef í kraftmiklum verkum Beethovens og Shostakovitsj sem hljóma á þessum tónleikum. Beethoven samdi forleik sinn við leikritið Egmont eftir Goethe, sem segir frá frelsishetju á Niðurlöndum á 16. öld. Egmont leiðir uppreisn gegn spænska einveldinu en mistekst og er dæmdur til dauða. Shostakovitsj samdi fimmtu sinfóníu sína um það leyti sem ofsóknir Stalíns stóðu sem hæst, og verkið varð til þess að bjarga ferli tónskáldsins á viðkvæmum tíma.

Sellókonsert Haydns er gleðin og léttværðin uppmáluð. Á tónleikunum verður frumflutt ný einleikskadensa sem Anna Þorvaldsdóttir, staðartónskáld Sinfóníuhljómsveitarinnar og sjálf menntaður sellóleikari, hefur samið við konsertinn sérstaklega af þessu tilefni.

Sæunn Þorsteinsdóttir er einn fremsti sellisti Íslands og hefur hlotið verðskuldaða athygli fyrir tilfinningaþrunginn leik sinn. Hún heldur tónleika víða um heim, er m.a. fastagestur í Carnegie Hall og kom fram með Fílharmóníusveitinni í Los Angeles á rómaðri Íslandshátíð þeirra og var nýverið tilnefnd til Tónlistarverðlauna Norðurlandaráðs.

Karina Canellakis er aðalstjórnandi Hollensku útvarpshljómsveitarinnar og hefur vakið mikla hrifningu fyrir innblásna hljómsveitarstjórn, meðal annars á Nóbelstónleikunum í Stokkhólmi í desember síðastliðnum. Hún hlaut Solti-verðlaunin árið 2016 og ári síðar stóð hún í fyrsta sinn á sviðinu í Eldborg með Sinfóníuhljómsveit Íslands, við mikla hrifningu áheyrenda.

EFNISSKRÁ
Ludwig van Beethoven Egmont, forleikur
Joseph Haydn Sellókonsert í D-dúr
Dmítríj Shostakovitsj Sinfónía nr. 5

HLJÓMSVEITARSTJÓRI
Karina Canellakis

EINLEIKARI
Sæunn Þorsteinsdóttir

Tónleikakynning í Hörpuhorni » 26. sep. kl. 18:00