x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Saariaho og Sibelius

Sinfóníuhljómsveit Íslands

Þessi viðburður er liðinn

Kaija Saariaho er eitt dáðasta samtímatónskáld Finnlands og margverðlaunuð fyrir list sína. Tónlist hennar einkennist af dulúð og fíngerðum blæbrigðum enda hefur hún verið kölluð „töframaður hljóðsins“. Hún samdi klarínettkonsertinn handa samlanda sínum, Kari Kriikku, árið 2010, innblásin af veggtepparunu frá miðöldum sem kallast „Stúlkan og einhyrningurinn“ og táknar skilningarvitin fimm. Tímaritið Gramophone sagði um konsertinn að hann væri „töfrandi“ og flutningur Kriikkus á glæsilegri einleiksrullunni hefur vakið aðdáun víða um heim.

Sjötta og síðasta sinfónía Tsjajkovskíjs er svanasöngur hans til lífsins og tónlistarinnar; níu dögum eftir að hann stjórnaði frumflutningi hennar í Sankti Pétursborg var hann allur. Meðan á æfingum stóð á hann að hafa sagt: „Þetta er án efa besta og einlægasta tónsmíð mín, og mér þykir vænna um hana en nokkurt annað verk sem ég hef skapað.“

Anna Maria Helsing er einn fremsti kvenstjórnandi Norðurlanda og stjórnaði m.a. Konunglegu fílharmóníuhljómsveitinni í Stokkhólmi við afhendingu Nóbelsverðlaunanna 2015.

  • Efnisskrá

    Jean Sibelius Rakastava (Elskhuginn)
    Kaija Saariaho Klarínettkonsert (D’om le vrai sens)
    Pjotr Tsjajkovskíj Sinfónía nr. 6, Pathétique

    EINLEIKARI:

    Kari Kriikku

    HLJÓMSVEITARSTJÓRI:

    Anna-Maria Helsing