x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Russian Souvenir – Shostakovich

Sígildir sunnudagar

Þessi viðburður er liðinn

-Athugið að tónleikum hefur verið aflýst vegna veðurs-

Tónleikarnir “Russian Souvenir” eru tileinkaðir menningarfjársjóði rússneskrar tónlistar og tónskálda.

Dramatísk tónlist eftir Dimitry Shostakovich ( 1906-1975 ) mun taka hlustendur í heim rússneskra sorga og harma.

Á tónleikunum mun hljóma Sónata fyrir selló og píanó í D moll, Op. 40 og Rómönsusvíta fyrir sópran, fiðlu, selló og píanó, Op. 127, ljóð eftir Alexander Blok (1880-1921 )

Flytjendur:

Sigurður Halldórsson – sellóleikari
Hildigunnur Halldórsdóttir – fíðluleikari
Nína Margrét Grímsdóttir – píanóleikari
Alexandra Chernyshova – sópran
Guðrún Ásmundsdóttir – kynnir

________________________________

Rómönsusvíta er tónlistarverk sem sannarlega er eitt af áhrifamestu verkum Dmitry Shostakovich. Þetta verk skrifaði Dimitry Shostakovich árið 1967. Aleksandr Blok skrifaði ljóðið þegar hann var 20 ára að aldri um fuglinn “Ptiza Gamajun” sem er aðalkarakter í tónverkinu, sem segir sannleikann um framtíðina. Alexanders Blok trúði á mátt ljóða – frelsi harmoníunnar og lífsins. Verkið er flutt á rússnesku á upprunalegu tungumáli verksins.

  1. Песня Офелии – SÖNGUR ÓFELÍU
  2. Гамаюн птица вещая – SPÁFUGLINN GAMAJÚN
  3. Мы были вместе – VIÐ VORUM SAMAN
  4. Город спит – BORGIN SEFUR
  5. Буря – STORMUR
  6. Тайные знаки – LEYNILEG MERKI
  7. Музыка – TÓNLIST

Alexandra Chernyshova sópran söngkona og tónskáld er fædd í Kænugarði. Alexandra útskrifaðist árið 2003 með einsöngspróf frá Odessa State Nezdanova Music Academy og árið 2002 var hún valin “Nýtt nafn Úkrainu”. Alexandra stofnaði Óperu Skagafjarðar árið 2006 og setti upp fjölmargar óperur, t.d La Travita, Rigoletto og Óperudrauginn. Árið 2014 var Alexandra valin í  hóp Top-10 Framúrskarandi ungir íslendingar fyrir sín afrek og framlag til tónlistarinnar. Alexandra hefur gefið út þrjá geisladiska, einn af þeim, “Draumur eða Cон á rússnesku” ellefu lög eftir Sergei Rachmaninov – Рахманинов við undirleik Jónasar Ingimundarsonar. Alexandra Chernyshova er framkvæmdastjóri tónlistarmenningarbrúar milli Íslands og Rússlands „Russian Souvenir“.

Hildigunnur Halldórsdóttir fiðluleikari lauk einleikaraprófi frá Tónlistarskólanum í Reykjavík árið 1988 og meistaraprófi frá Eastman School of Music, Rochester New York vorið 1992. Hún leikur í Sinfóníuhljómsveit Íslands og hefur verið félagi í Caput og Camerarctica tónlistarhópunum um árabil. Hildigunnur spilar einnig reglulega með Bachsveitinni í Skálholti, Kammersveit Reykjavíkur, Reykjavík Barokk og Synfonia Angelica.

Nína Margrét Grímsdóttir píanóleikari lauk einleikaraprófi frá Tónlistarskólanum í Reykjavík 1985, LGSM prófi frá Guildhall School of Music and Drama, Meistaraprófi frá City University í London, Professional Studies Diploma frá Mannes College of Music í New York og doktorsprófi í píanóleik frá City University of New York. Nína Margrét hefur komið fram á Íslandi, Evrópu, Bandaríkjunum, Kanada, Japan og Kína sem einleikari, með hljómsveitum og í kammertónlist. Hún hefur hljóðritað geisladiska fyrir Naxos, BIS, Acte Préalable og Skref. Nína Margrét hefur verið listrænn stjórnandi tónleikaraðarinnar Klassík í hádeginu í Gerðubergi frá upphafi og er ennfremur listrænn stjórnandi Reykjavik Classics í Eldborg Hörpu. Hún hefur kennt við tónlistarháskóla hérlendis og erlendis auk þess að flytja reglulega fyrirlestra og masterklassa um tónlist og tónlistarrannsóknir. Árið 2014 var doktorsritgerð hennar um píanóverk Páls Ísólfssonar gefin út af Lambert Academic Publishing í Þýskalandi.

Sigurður Halldórsson sellóleikari stundaði nám við Tónlistarskólann í Reykjavík og Guildhall School of Music í London. Hann hefur fengist við fjölbreytilega tónlistarstíla allt frá miðöldum til nútímans. Sigurður starfar m.a. með Caput hópnum, Voces Thules, Camerarctica, Skálholtskvartettinum og Symphonia Angelica. Sigurður hefur sérhæft sig í flutningi tónlistar fyrri tíma með upprunalegum hljóðfærum. Helstu mentorar og samstarfsmenn á því sviði hafa verið Helga Ingólfsdóttir, Ann Wallström, Bruno Cocset, Peter Spissky og Jaap Schröder, en með honum og Skálholtskvartettinum og Bachsveitinni hefur hann hljóðritað 12 geisladiska. Sigurður var listrænn stjórnandi Sumartónleika í Skálholtskirkju frá 2004 til 2014 og hann situr í stjórn Nordic Early Music Federation. Sigurður starfar við Listaháskóla Íslands og er mentor og fagstjóri samevrópska NAIP meistaranámsins (New Audiences and Innovative Practice) í Listaháskólanum.

Guðrún Gerður Ásmundsdóttir kynnir, leikari, leikstjóri og leikritahöfundur, er landsmönnum að góðu kunn fyrir áratuga starf í þágu leiklistar. Guðrún var árið 2009 heiðruð sérstaklega af félögum sínum í Leikfélagi Reykjavíkur og þá gerð að heiðursfélaga og er hún eina konan fyrir utan Vigdísi Finnbogadóttur sem þann heiður hefur hlotið. Guðrún var einmitt einn helsti baráttumaðurinn fyrir byggingu Borgarleikhússins á sínum tíma.

Russian Souvenir – Menningarbrú eru styrkt af Sendiráðs Rússlands á Íslandi og Íslands í Rússlandi.