x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Rokkkór Íslands – á íslenskum nótum

Rokkkór Íslands er rétt tæplega fjögurra ára gamall og fer heldur óhefðbundnari leiðir en gengur og gerist í kórsöng.  Kórinn skipa um 30 söngvarar sem flestir eiga það sameiginlegt að hafa mikinn áhuga á popp-, rokk- og dægurlagasöng. Útkoman er kraftmikill og algjörlega einstakur hljómur sem er klárlega nýr sinnar tegundar hér á landi og eitthvað sem vert er að kíkja á.

Á þessum tónleikum mun kórinn flytja eingöngu lög eftir íslenska höfunda. Flutt verður góð blanda af þekktum rokk og popp lögum frá ýmsum tímum sem flestir ættu að kannast við. Með kórnum spila þeir Sigurgeir Sigmundsson á gítar, Þorvaldur Kári Ingveldarson á trommur, Þórir Rúnar Geirsson á bassa og Matthías V. Baldursson (Matti sax) stjórnandi kórsins spilar á hljómborð. Hljóðmaður er Hrannar Kristjánsson.

Kórinn var stofnaður vorið 2015 af Matta sax og nokkrum áhugasömum söngvurum sem langaði að búa til öðruvísi kór sem hentaði popp- og rokkröddum. Fyrsta verkefni kórsins var að fara í hljóðver og taka upp nokkur vel valin lög sem voru gefin út 2015-16 og hafa hlotið mjög góðar viðtökur. Kórinn kom fram í fyrsta sinn í Eldborg haustið 2015 á afmælistónleikum Sniglabandsins og eftir það var ekki aftur snúið enda Rokkkór Íslands kominn til að vera! Kórinn hélt svo sína fyrstu tónleika í Kaldalóni í febrúar 2016 þar sem tónlist níunda áratugarins (80´s) voru gerð góð skil og hefur hann haldið þó nokkra tónleika síðan með hinum ýmsu þemu, m.a. 70´s, 90´s, Singalong tónleika og órafmagnaða tónleika. Stærsti viðburður kórsins var án efa að syngja með the Foreigner í Laugardalshöllinni í maí 2018, þar stóð kórinn virkilega undir nafni sem Rokkkór Íslands.