x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Richard Goode leikur Mozart – Sinfóníuhljómsveit Íslands

„Einhver magnaðasti tónaseiður sem ég hef upplifað lengi,“ sagði gagnrýnandi Fréttablaðsins eftir tónleika bandaríska stórpíanistans Richards Goode í Hörpu vorið 2015. Goode hefur um áratuga skeið verið í hópi fremstu tónlistarmanna Bandaríkjanna. Hann hefur hlotið Grammy-verðlaunin fyrir hljóðritanir sínar og nýverið skrifaði tónlistarrýnir New York Times að tónleikar hans í Carnegie Hall hafi einkennst af „stórbrotinni og djúpri túlkun“.
Hér leikur Goode einn af síðustu píanókonsertum Mozarts með Sinfóníuhljómsveit Íslands, saminn árið 1786 þegar tónskáldið stóð á hátindi ferils síns.

Fyrsta sinfónía Brahms hefur stundum verið kölluð „tíunda sinfónía Beethovens“ enda þótti mörgum sem hann hefði með verkinu sannað að hann væri verðugur arftaki hins mikla meistara. Tignarlegt lokastefið á sér samsvörun í Óðnum til gleðinnar eftir Beethoven en þó fer Brahms í öllu sínar eigin leiðir og útkoman er einhver áhrifamesta sinfónía rómantíska skeiðsins.

Hollenski hljómsveitarstjórinn Edo de Waart hóf feril sinn sem óbóleikari í hinni virtu Concertgebouw-hljómsveit en hefur um áratuga skeið verið framúrskarandi túlkandi tónlistar frá ýmsum skeiðum sögunnar. Stjórnandaferilinn hóf hann sem aðstoðarmaður Bernsteins hjá New York-fílharmóníunni, en síðan hefur hann gegnt stöðum aðalstjórnanda meðal annars í Minnesota, Sidney og Nýja-Sjálandi.

 

Tónleikakynning í Hörpuhorni » 6. jún. kl. 18:00

 

 

  • Efnisskrá

    EFNISSKRÁ
    John Adams Short Ride in a Fast Machine
    W.A. Mozart Píanókonsert í C-dúr, K. 503
    Johannes Brahms Sinfónía nr. 1
    HLJÓMSVEITARSTJÓRI
    Edo de Waart
    EINLEIKARI
    Richard Goode