x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Reykjavík Midsummer Music 2017 – Ecstasy

Ecstasy

M. Ravel: Sónata fyrir fiðlu og selló
Z. Kodály: Sónata fyrir einleiksselló
T. Hosokawa: Ecstasy fyrir einleiksfiðlu

Rosanne Philippens (fiðla), István Várdai (selló), Sayaka Shoji (fiðla).

Á þessum tónleikum nálgast þrír af færustu strengjaleikurum samtímans algleymið í þremur hávirtúósískum snilldarverkum. Sónata Maurice Ravel fyrir fiðlu og selló er samin til minningar um Claude Debussy, en þótt Ravel dáði tónlist Debussys var samband þeirra flókið – Ravel stóð lengst af í skugga Debussys og öðlaðist í raun aðeins sess sem höfuðtónskáld Frakka eftir andlát hans. Í sónötunni virðist Ravel frjáls undan allri gamalli gremju í garð hins látna meistara, en einnig má greina í henni áhrif annars tónskálds – Zoltáns Kodály. Það er við hæfi að ungverski sellósnillingurinn István Várdai leiki Sónötu Kodálys fyrir einleiksselló: Hún var samin 1915 fyrir sellóleikarann Jeno Kerpely, sem virðist, rétt eins og István, hafa búið yfir takmarkalausri getu á hljóðfærið. Sónatan teygir sig yfir fimm áttundir og í henni er notast við svo til allar tæknilegar sellóbrellur sem fyrirfinnast, auk þess sem Kodály umbreytti í raun sellóinu í verkinu með því að stilla tvo lægstu strengi þess hálftóni lægra en vaninn er, svo vænghaf hljóðfærisins eykst og nýir hljómaheimar opnast. Sónatan er ægifögur og full af tilfinningalegri ákefð – með traustar rætur í ungverskri þjóðlagatónlist en frískandi nútímaleg í anda. Að lokum hljómar nýtt verk sem japanska fiðlustjarnan Sayaka Shoji pantaði af landa sínum, tónskáldinu Toshio Hosokawa, og frumflutti í Wigmore Hall, Extasis – eða Algleymi.

Hægt er að kaupa hátíðarpassa hér.