x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Reikistjörnur – GDRN

GDRN er án efa ein af stærstu vonarstjörnum landsins í tónlistarheiminum. Hún gaf út sína fyrstu plötu, Hvað ef, á síðasta ári við gríðarlega góðar undirtektir. Tónlist hennar er eins konar blanda af poppi og hip-hop með jazzáhrifum og textarnir persónulegir sem ná vel til fólks. Á sínum stutta ferli hefur hún sópað að sér verðlaunum og hlaut hún meðal annars verðlaun fyrir bestu poppplötuna og besta söngkonan á Íslensku tónlistarverðlaununum í vor. GDRN vinnur nú hörðum höndum að næstu plötu og er hennar beðið með mikilli eftirvæntingu.

Reikistjörnur er ný tónleikaröð fyrir alla fjölskylduna og verður haldin í Kaldalóni á laugardögum í vetur. Dagskráin er einkar glæsileg þar sem margt af vinsælasta tónlistarfólki landsins kemur fram. Hér gefst fjölskyldum tækifæri á að sækja tónleika saman við bestu mögulegu aðstæður á góðu verði svo að sem flestir geti notið.

Reikistjörnur eru samstarfsverkefni Hörpu, Klapp og Rásar 2.

Reikistjörnur 2019 – 2020 í Hörpu

24. ágúst – Daði Freyr
21. september – GDRN
19. október – JóiPé x Króli
25. janúar – Bríet
22. febrúar – Huginn
21. mars – Amabadama