x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Rakhmanínov og Gudaidulina II – Sinfóníuhljómsveit Íslands

Sofia Gubaidulina er meðal virtustu tónskálda sinnar kynslóðar og er komin hátt á níræðisaldur. Verk hennar eru mjög í forgrunni á efnisskrá Sinfóníuhljómsveitar Íslands vorið 2019; tvö lykilverk hennar hljóma á áskriftartónleikum ásamt hljómsveitarverkum landa hennar, Rakhmanínovs, auk þess sem tónleikar í Föstudagsröðinni eru helgaðir kammertónlist beggja.

Offertorium (Fórn) er eitt helsta verk Gubaidulinu, magnþrunginn fiðlukonsert þar sem hún leggur út af svonefndu konungsstefi úr Tónafórn J.S. Bachs. Rússnesk-ísraelski fiðlusnillingurinn Vadim Gluzman fer með einleikshlutverkið í verkinu, en hann þykir einn helsti túlkandi þess á heimsvísu og hefur leikið það með mörgum helstu sinfóníuhljómsveitum heims.

Önnur sinfónía Rakhmanínovs er hans dáðasta hljómsveitarverk og fastagestur á efnisskrám hljómsveita frá því það hljómaði fyrst árið 1908. Í henni sameinast allt það sem gerir tónlist Rakhmanínovs svo heillandi: grípandi stef og meistaraleg tök á litbrigðum hljómsveitarinnar. Í tónleikaferð sinni til Japans haustið 2018 lék Sinfóníuhljómsveitin verkið alls sjö sinnum undir stjórn Vladimirs Ashkenazy, og verður fróðlegt að heyra tök hennar á því nú, rúmu ári síðar.

Antonio Méndez hefur tvisvar áður stjórnað Sinfóníuhljómsveit Íslands og uppskorið fimm stjörnu dóma frá gagnrýnendum í bæði skiptin.

EFNISSKRÁ
Sofia Gubaidulina Offertorium, fiðlukonsert
Sergej Rakhmanínov Sinfónía nr. 2

HLJÓMSVEITARSTJÓRI
Antonio Méndez

EINLEIKARI
Vadim Gluzman

Tónleikakynning í Hörpuhorni » 5. jún. kl. 18:00