x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Rakhmanínov og Gubaidulina I – Sinfóníuhljómsveit Íslands

Föstudagsröðin

Á þrennum tónleikum Sinfóníuhljómsveitar Íslands í vetur verður teflt saman verkum tveggja rússneskra meistara. Sergej Rakhmanínov var eitt helsta tónskáld síðrómantíkur en Sofia Gubaidulina er eitt virtasta tónskáld samtímans.

Föstudagsröðin Sinfóníuhljómsveitar Íslands hefst með kammertónlist fluttri af hljóðfæraleikurum úr hljómsveitinni. Fluttar verða tvær perlur þessa meistara sem báðar eru æskutónsmíðar en sýna glöggt hvílíkar gáfur þau höfðu til brunns að bera. Rakhmanínov samdi fyrra píanótríó sitt þegar hann var aðeins 19 ára gamall en í því heyrist margt sem minnir á síðari tónsmíðar hans. Tónlistin er angurvær og dulúðug en líka full af ástríðu.

Píanókvintett Gubaidulinu er sannkallað meistaraverk en hljómar nú á Íslandi í fyrsta sinn. Verkið samdi hún árið 1957 undir sterkum áhrifum frá Shostakovitsj og Prokofíev. Þetta er kraftmikil tónlist og sérlega áheyrileg enda telja margir að hér sé komin ein áhugaverðasta kammertónsmíð 20. aldar frá Rússlandi. Skömmu eftir að kvintettinn var frumfluttur hlaut Gubaidulina ákúrur frá prófdómurum við Tónlistarháskólann fyrir að hafa snúið af hinni „réttu braut“ sovésks rétttrúnaðar í tónlist sinni. Varla hafði hún stigið út úr kennslustofunni þegar Shostakovitsj vatt sér að henni á ganginum og hvíslaði: „Haltu þig á vitlausu brautinni!“

Tónleikar Föstudagsraðarinnar í Norðurljósum taka um klukkustund og eru fullkominn upptaktur að skemmtilegri helgi.

EFNISSKRÁ
Sergej Rakhmanínov Trio élégiaque nr. 1
Sofia Gubaidulina Píanókvintett

PÍANÓTRÍÓ
Nicola Lolli fiðla
Sigurgeir Agnarsson selló
Anna Guðný Guðmundsdóttir píanó

PÍANÓKVINTETT
Sigrún Eðvaldsdóttir fiðla
Gregory Aronovich víóla
Bryndís Halla Gylfadóttir selló
Anna Guðný Guðmundsdóttir píanó