x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Quartetto a muoversi – Kvartett á hreyfingu

Sígildir sunnudagar

Þessi viðburður er liðinn

Quartetto a muoversi – eða kvartett á hreyfingu – er skipaður þeim Björku Níelsdóttur sópran, Hafdísi Vigfúsdóttur flautuleikara, Grími Helgasyni klarinettuleikara og Svani Vilbergsyni gítarleikara. Kvartettinn einbeitir sér að tónlist 20. og 21. aldarinnar, auk þess sem þjóðlög af ýmsu tagi eru aufúsugestir á efnisskrám hópsins. Þar sem ekki ýkja mörg verk hafa verið samin fyrir kvartett söngs, gítars, flautu og klarinetts leitast Quartetto a mouversi við að panta ný tónverk fyrir hópinn í heild. Á fyrri tónleikum hópsins í tónleikaröðinni Sígildir sunnudagar frumflytur kvartettinn ný lög Ingibjargar Azimu við ljóð Snorra Hjartarsonar og nýtt tónverk Hróðmars I. Sigurbjörnssonar við ljóð Gyrðis Elíassonar. Að auki verður flutt tónlist eftir Elínu Gunnlaugsdóttur, Svein Lúðvík Björnsson, Þorkel Sigurbjörnsson og Oliver Kentish.

Nemendur fá miða á kr. 1500 í miðasölu Hörpu.