x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ottensamer og Canellakis – Sinfóníuhljómsveit Íslands

Karina Canellakis er ein skærasta stjarnan meðal ungra hljómsveitarstjóra í dag. Þessi fyrrum lærlingur Simons Rattle hlaut hin virtu Georg Solti-verðlaun árið 2016 og komst í heimsfréttirnar þegar hún hljóp í skarðið fyrir Jaap van Zweden með nær engum fyrirvara og stjórnaði tónleikum með miklum glæsibrag. Andreas Ottensamer er fyrsti klarínettleikari Berlínarfílharmóníunnar og segja má að tónlistin sé honum í blóð borin þar sem faðir hans gegnir sömu stöðu hjá Vínarfílharmóníunni. Hljómdiskar Ottensamers fyrir Deutsche Grammophon hafa hlotið frábæra dóma og á þessum tónleikum leikur hann þrjú verk, líflegan konsert eftir Stamitz og tvö smærri verk eftir Brahms og Amy Beach.

Felix Mendelssohn var ekki nema 17 ára gamall þegar hann samdi forleikinn ógleymanlega að Draumi á Jónsmessunótt, þar sem hann fangar fullkomlega stemninguna í leikriti Shakespeares. Sinfónía nr. 2 eftir Brahms er hans dáðasta sinfónía enda er hún sérlega ljúf og áheyrileg. Einn vinur tónskáldsins lýsti verkinu svo: Ekkert nema heiðblár himinn, lækjarniður, sólskin og græn forsæla!

  • Efnisskrá

    Felix Mendelssohn Draumur á Jónsmessunótt, forleikur
    Carl Stamitz Klarínettkonsert í Es-dúr
    Amy Beach Bercause
    Johannes Brahms Ungverskur dans nr. 7
    Johannes Brahms Sinfónía nr. 2

    HLJÓMSVEITARSTJÓRI
    Karina Canellakis

    EINLEIKARI
    Andreas Ottensamer

    Tónleikakynning í Hörpuhorni » 18:00