x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Öll bestu lög Vilhjálms Vilhjálmssonar

Einir vinsælustu tónleikar Rigg viðburða verða settir upp í Eldborg sunnudaginn 1. mars 2020 kl. 17:00.
Einstök stund sem unnendur Vilhjálms Vilhjálmssonar mega ekki missa af. Frábær skemmtun fyrir unga sem aldna!

Friðrik Ómar syngur lög Vilhjálms ásamt gestum og 15 manna hljómsveit.

Friðrik hóf ungur að árum að syngja lög Vilhjálms. Björt og fögur söngröddin minnir óneitanlega á áferð raddar Vilhjálms og ekki síður skýrmælgin sem einkenndi söng Vilhjálms. Á þessum glæsilegu tónleikum, sem haldnir eru nú í áttunda sinn í Eldborg, mun Friðrik flytja lögin sem lifa með þjóðinni sem Vilhjálmur söng á sínum ferli ásamt færustu hljóðfæraleikurum þjóðarinnar, gestasöngvurum og dönsurum. Hljómsveitarstjóri og útsetjari er Karl Olgeirsson.

Píanó, útsetningar og hljómsveitarstjórn:
Karl O. Olgeirsson

Gestgjafi og söngur:
Friðrik Ómar

Gestasöngvarar:
Katrín Halldóra Sigurðardóttir
Jógvan Hansen
Margrét Eir
Erna Hrönn Ólafsdóttir

Dansarar: Hanna Rún og Nikita Bazev
– margfaldir íslandsmeistarar í samkvæmisdönsum.

Hljómsveit:
Benedikt Brynleifsson, trommur
Róbert Þórhallsson, bassi
Kristján Grétarsson, gítarar
Ingvar Alfreðsson, hljómborð
Diddi Guðnason, slagverk

Sigurður Flosason, blásturshljóðfæri og slagverk
Einar Jónsson, básúna
Kjartan Hákonarson, trompet

Geirþrúður Ása Guðjónsdóttir, fiðla
Helga Þóra Björgvinsdóttir, fiðla
Þórunn Ósk Marinósdóttir, viola
Margrét Árnadóttir, cello

Margrét Eir Hönnudóttir, raddir
Erna Hrönn Ólafsdóttir, raddir
Helgi Reynir Jónsson, gítar og raddir

Hljóðmeistarar:
Haffi Tempó
Björgvin Sigvaldason

Ljósameistari: Helgi Steinar Halldórsson
Verkefnastjóri: Haukur Henriksen
Framleiðandi: Rigg viðburðir

Stutt ágrip um Vilhjálm Vilhjálmsson
Vilhjálmur Hólmar Vilhjálmsson fæddist í Merkinesi í Höfnum á Suðurnesjunum. Fólk man ljúfa tenórrödd þessa ástsæla dægurlagasöngvara og það sem meira er, ungt fólk sem fætt er löngu eftir fráfall Vilhjálms dáir lögin sem hann gerði að sínum með persónulegum og áreynslulausum söngstíl. Vilhjálmur ætlaði aldrei að verða dægurlagasöngvari. Stefnan var sett á háskólanám. En enginn má sköpum renna. Fyrstu skrefin á söngbrautinni voru stigin í menntaskólanum á Akureyri. Síðan tóku við sigrar með hljómsveitum Ingimars Eydals og Magnúsar Ingimarssonar. Þá urðu plöturnar vinsælar sem Vilhjálmur söng inn á ýmist einn eða með Elly systur sinni. Mörg lög lifa enn í minningunni hátt í fimmtíu árum eftir að þau komu út, svo sem Lítill drengur, Við eigum samleið og Bíddu pabbi svo að örfá séu nefnd.