x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Ófullgerða sinfónían – Sinfóníuhljómsveit Íslands

Þessi viðburður er liðinn

Hinn heimsfrægi hörpuleikari Xavier de Maistre sækir Ísland heim á þessum tónleikum Sinfóníuhljómsveitar Íslands en hann er meðal fremstu hörpuleikara heims. Árið 1999 varð hann fyrsti franski hljóðfæraleikarinn til að hljóta ráðningu hjá Vínarfílharmóníunni, þeirrar sögufrægu hljómsveitar. Hann hefur hlotið fjölda verðlauna fyrir leik sinn, spilað inn á ótal hljómdiska og kennir meðal annars við Juilliard-skólann í New York. Íslenskir tónleikagestir heyrðu hann ásamt sópransöngkonunni Diönu Damrau á tónleikum á Listahátíð í Reykjavík árið 2013, en nú leikur hann í fyrsta sinn einleikskonsert hér á landi.

Schubert samdi ekki nema tvo fyrri þætti sinfóníunnar sem síðan hefur hlotið viðurnefnið „sú ófullgerða“, en enginn veit hver ástæðan var fyrir þeirri ákvörðun. Þótt kaflarnir séu ekki nema tveir er hún yfirfull af dramatískum vendingum, en einnig þeirri kyrrlátri ljóðrænu sem Schubert átti svo auðvelt með að laða fram.

Tónleikunum lýkur á Flow and Fusion eftir Þuríði Jónsdóttur. Verkið er heillandi samruni rafhljóða og tóna hljómsveitarinnar; tónskáldið hafði að eigin sögn í huga „ólíka tauma flæðandi glóðheitrar bergkviku sem sameinast í einni iðandi hraunkvoðu“. Hljómsveitarstjóri er Eva Ollikainen, aðalhljómsveitarstjóri Sinfóníuhljómsveitar Íslands.

Tónleikunum er útvarpað beint á Rás 1.

Takmarkað sætaframboð á tónleikana

Í samræmi við sóttvarnarlög er sætaframboð á tónleikana takmarkað við 100 tónleikagesti í fjórum sóttvarnarhólfum í Eldborg. Í það minnsta tvö auð sæti eru á milli allra pantana til að tryggja nálægðarmörk milli gesta. Gestum ber skylda að vera með grímu á tónleikunum sem eru um klukkustundarlangir án hlés. Við biðjum gesti að gæta vel að sóttvörnum og kynna sér leiðbeiningar til tónleikagesta áður en mætt er í Hörpu. Stöndum saman, við erum öll almannavarnir.

  • Efnisskrá

    Alberto Ginastera: Hörpukonsert
    Franz Schubert: Sinfónía nr. 8, „Ófullgerða sinfónían“
    Þuríður Jónsdóttir: Flow and Fusion

    HLJÓMSVEITARSTJÓRI
    Eva Ollikainen

    EINLEIKARI
    Xavier de Maistre

    KYNNIR
    Halla Oddný Magnúsdóttir

Deila