x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Norskur jólasnjór

Þessi viðburður er liðinn

Það snjóar lúðrum þann 30. nóvember kl. 15:00 þegar Lúðrasveit Reykjavíkur og norska lúðrasveitin Sagene Janitsjarkorps leiða saman lúðra sína og leiða okkur jafnframt inn í aðventuna með léttum vetrar-, aðventu- og jólalögum í bland við hátíðlega marsa, klassískan vals og Disney-lög.

Lúðrasveit Reykjavíkur er elsta starfandi lúðrasveit landsins og var stofnuð 1922 við sameiningu tveggja eldri lúðrasveita. Sveitin hefur aðsetur í Hljómskálanum við Tjörnina og heldur reglulega tónleika í Hörpu og leikur í skrúðgöngum og við ýmis tækifæri í borginni og víðar.

Sagene Janitsjarkorps (Lúðrasveit Sagene) var stofnað árið 1926 og er ein stærsta lúðrasveit Noregs. Hún hefur spilað víða um heim og unnið til verðlauna og heldur reglulega tónleika og setur upp söngleiki í tónleikahúsi sínu í Sagene-hverfi í Ósló, auk þess sem hún tekur þátt í skrúðgöngum, svo sem á norska þjóðhátíðardaginn, 17. maí.

Almennt miðaverð er kr. 2500, en ókeypis aðgangur er fyrir börn undir 16 ára aldri.