x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Myndir á sýningu – Sinfóníuhljómsveit Íslands

Þessi viðburður er liðinn

Á þessum tónleikum Sinfóníuhljómsveitar Íslands hljóma þrjú frægustu hljómsveitarverk allra tíma. Píanókonsert Tsjajkovskíjs er fullur af fjöri, þrótti og glæsileika allt fram til síðasta takts, enda ekki við öðru að búast í einum vinsælasta einleikskonsert allra tíma. Einleikari í konsertinum er hin rússneska Yulianna Avdeeva en hún vakti heimsathygli árið 2010 þegar hún hreppti fyrstu verðlaun í alþjóðlegu Chopin-keppninni í Varsjá, fyrsti kvenpíanistinn til að vinna þá keppni frá því að Martha Argerich hlaut 1. verðlaun árið 1965. Deutsche Grammophon gaf út upptökur hennar á einleiksverkum eftir Chopin árið 2015 en nýjasti diskur hennar kom út fyrr á þessu ári og hefur að geyma tónlist eftir Johann Sebastian Bach.

Myndir á sýningu eru eitt frægasta verk Músorgskíjs, fjölbreytt tónlist sem fær nýja vídd í litríkum hljómsveitarbúningi Maurice Ravels. Forleikur Debussys var eins konar stefnuyfirlýsing impressjónismans í tónlist, litrík og dulúðleg tónsmíð þar sem innblástur er sóttur í kvæði skáldsins Mallarmé um þrár og drauma skógarpúka í síðdegissvækju.

Því miður þurfti einleikarinn Sergej Krylov að aflýsa komu sinni til landsins vegna veikinda en í hans stað kemur verðlaunapíanistinn Yulianna Adeeva.

  • Efnisskrá

    Pjotr Tsjajkovskíj Píanókonsert nr. 1
    Claude Debussy Forleikur að Síðdegi skógarpúkans
    Modest Músorgskíj/Maurice Ravel Myndir á sýningu

    HLJÓMSVEITARSTJÓRI
    Yan Pascal Tortelier

    EINLEIKARI
    Yulianna Avdeeva

    Tónleikakynning í Hörpuhorni » 18:00