x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Múlinn Jazzklúbbur – Skuggamyndir frá Býsans

Þessi viðburður er liðinn

Byzantine Silhouette eða Skuggamyndir frá Býsans er tónlistarunnendum, og sérstaklega unnendum balkantónlistar, að góðu kunn. Hún fagnar 10 ára afmæli um þessar mundir og stendur töluvert til í tilefni afmælisársins en hljómleikaferð sem var fyrirhuguð frestaðist. Það er því gleðiefni fyrir meðlimi sveitarinnar að fá tækifæri til að leika á sumartónleikaröð jazzklúbbsins Múlans. Á dagskrá verður nýtt efni í bland við efni af viðamikilli efnisskrá sveitarinnar frá Grikklandi, Búlgaríu, Makedóníu og Tyrklandi. Í tilefni af afmælinu er aldrei að vita nema góðir gestir líti við.

Haukur Gröndal, klarínett, saxófónn
Ásgeir Ásgeirsson, bouzouki, tamboura
Þorgrímur Jónsson, bassi
Erik Qvick, slagverk

Tónleikadagskrá Múlans sem er að öllu jöfnu bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima. Áheyrendur geta hlustað á gæðajazz á góðu verði með frábæru útsýni yfir höfnina. Múlinn er samstarfsverkefni Félags Íslenskra Hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans. Stofnár Múlans var haustið 1997 en fyrstu tónleikarnir fóru fram í ársbyrjun 1998. Múlinn er styrktur af Reykjavíkurborg og Tónlistarsjóðnum og er í samstarfi við Heimstónlistarklúbbinn og Hörpu.

Miðaverð á tónleikana er 3.000 krónur, 2.000 krónur fyrir eldri borgara og öryrkja og 1500 fyrir nema.

Skipuleggjendur Múlans eru þeir Ólafur Jónsson og Haukur Gröndal.

Dagskrá Múlans Jazzklúbbs sumarið 2020

19.06.2020 Stórsveit Reykjavíkur

26.06.2020 Bara gaman

03.07.2020 Skuggamyndir frá Býsans

10.07.2020 – Þorgrímur Jónsson kvartett

17.07.2020 ASA tríó ásamt Jóel Pálssyni 

24.07.2020 ADHD

31.07.2020 Kvartett Sigurðar Flosasonar

07.08.2020 Bölvað braz með Ife Tolentino

14.08.2020 Karl Orgeltríó