x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Múlinn Jazzklúbbur – Sigmar Matthíasson / METAPHOR

Gæðajazz á góðu verði

Bassaleikarinn Sigmar Þór Matthíasson gaf út sína fyrstu sólóplötu, Áróra, í september 2018 en platan  hlaut tvær tilnefningar til Íslensku tónlistarverðlaunanna í flokki jazz- og blústónlistar á síðasta ári. Nú er að hefjast undirbúningur fyrir aðra plötu, sem ber vinnuheitið METAPHOR, og er áætluð útgáfa á haustmánuðum 2020. Hér er um að ræða nýtt frumsamið efni þar sem áhrif frá austrænni þjóðlagatónlist og annarri heimstónlist blandast við nútímajazz. Áður en haldið verður í hljóðver munu Sigmar og félagar prufukeyra nýja efnið fyrir tónleikagesti Múlans. Hér er um einstakt tækifæri að ræða þar sem heyra má nýja óútgefna tónlist í stöðugri mótun.

Haukur Gröndal, klarinett og saxófónn
Ásgeir Ásgeirsson, gítar og oud
Ingi Bjarni Skúlason, piano
Sigmar Þór Matthíasson, bassi
Matthías Hemstock, trommur

Dagskrá Múlans í maí 2020

8. maí: Frelsissveit Nýja Íslands

15. maí: Halli’s Maffagagg

22. maí: Kvartett Ólafs Jónssonar ásamt Jóel Pálssyni

29. maí: Sigmar Matthíasson / METAPHOR

Tónleikadagskrá Múlans sem er að öllu jöfnu bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima.

Múlinn er samstarfsverkefni Félags íslenskra hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans. Stofnár Múlans var haustið 1997 en fyrstu tónleikarnir fóru fram í ársbyrjun 1998.

Múlinn er styrktur af Reykjavíkurborg og Tónlistarsjóðnum og er í samstarfi við Heimstónlistarklúbbinn og Hörpu.

Skipuleggjendur Múlans eru þeir Ólafur Jónsson og Haukur Gröndal.