x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Múlinn Jazzklúbbur / Bölvað braz með Ife Tolentino

Hrynheitur hópur tónlistarfólks með Íslandsvininn Ife Tolentino standandi í stafni reiðir fram ýmiss konar tónlist frá upprunalandi hans, Brasilíu. Þótt samban komi við sögu verður tækifærið nýtt rækilega til að grúska og grúva í fleiri stílum (choro, baião, afoxê og xote þar á meðal), og tónarnir bornir fram á rafhljóðfærabeði.

Ife Tolentino, söngur og kassagítar
Arnljótur Sigurðsson, flauta
Eiríkur Orri Ólafsson, trompet
Sigrún Kristbjörg Jónsdóttir, básúna, fiðla og slagverk
Rögnvaldur Borgþórsson, gítar
Magnús Jóhann Ragnarsson, hljómborð
Tómas Jónsson, hljómborð
Andri Ólafsson, bassi
Magnús Trygvason Eliassen, trommur
Kristófer Rodríguez Svönuson, slagverk

Tónleikadagskrá Múlans sem er að öllu jöfnu bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima. Áheyrendur geta hlustað á gæðajazz á góðu verði með frábæru útsýni yfir höfnina. Múlinn er samstarfsverkefni Félags Íslenskra Hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans. Stofnár Múlans var haustið 1997 en fyrstu tónleikarnir fóru fram í ársbyrjun 1998. Múlinn er styrktur af Reykjavíkurborg og Tónlistarsjóðnum og er í samstarfi við Heimstónlistarklúbbinn og Hörpu.

Miðaverð á tónleikana er 3.000 krónur, 2.000 krónur fyrir eldri borgara og öryrkja og 1500 fyrir nema.

Skipuleggjendur Múlans eru þeir Ólafur Jónsson og Haukur Gröndal.

Dagskrá Múlans Jazzklúbbs sumarið 2020

19.06.2020 Stórsveit Reykjavíkur

26.06.2020 Bara gaman

03.07.2020 Skuggamyndir frá Býsans

10.07.2020 – Þorgrímur Jónsson kvartett

17.07.2020 ASA tríó ásamt Jóel Pálssyni 

24.07.2020 ADHD

31.07.2020 Kvartett Sigurðar Flosasonar

07.08.2020 Bölvað braz með Ife Tolentino

14.08.2020 Karl Orgeltríó