x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Múlinn Jazzklúbbur: Til heiðurs Wes Montgomery

Ásgeir Ásgeirsson, gítar
Agnar Már Magnússon, orgel og píanó
Þorgrímur Jónsson, bassi
Erik Qvick, trommur

Kvartett Ásgeirs Ásgeirssonar heiðrar gítarleikarann Wes Montgomery. Á þessu ári eru 60 ár frá því að Wes gaf út plötuna “Incredible Jazz Guitar” sem var upphafið af goðsagnakenndri plötuútgáfu hans fyrir plötufyrirtækið Riverside. Meginuppistaða í plötuútgáfu Montgomery voru jazzstandardar og eigin tónsmíðar en á síðari hluta ferilsins gaf hann einnig út popplög í eigin útsetningum. Wes er án efa einn áhrifamesti jazzgítarleikari sögunnar. Á þessari notalegu kvöldstund verður stiklað á stóru í tónum og tali og farið verður yfir hljóðritunarferil Montgomery sem spannar minna en 10 ár því hann lést um aldur fram, 1968, aðeins 45 ára gamall.

Tónleikadagskrá Múlans sem er að öllu jöfnu bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima. Áheyrendur geta hlustað á gæðajazz á góðu verði með frábæru útsýni yfir höfnina. Múlinn er samstarfsverkefni Félags íslenskra hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans. Stofnár Múlans var haustið 1997 en fyrstu tónleikarnir fóru fram í ársbyrjun 1998. Múlinn er styrktur af Reykjavíkurborg og Tónlistarsjóðnum og er í samstarfi við Heimstónlistarklúbbinn og Hörpu.

Miðaverð á tónleikana er 3000 krónur.

Skipuleggjendur Múlans eru þeir Ólafur Jónsson og Haukur Gröndal.

Dagskrá Múlans vorið 2020

Febrúar 2020

5. febrúar – Útgáfutónleikar Kvartetts Einars Scheving

12. febrúar – Arctic Swing Quintet ásamt Adrian Cunningham

19. febrúar – Kvartett Mariu Babtist og Sigurðar Flosasonar 

26. febrúar – The Roaring Twenties 

28. febrúar – Kvartett Unnar Birnu og Bjössa Thor

Mars 2020

4. mars – Útgáfutónleikar HóBiT

6. mars – Tríó Kristjönu Stefáns

13. mars – Tónn úr tómi: Útgáfutónleikar Leifs Gunnarssonar

18. mars – ASA tríó ásamt Jóel Pálssyni

25. mars – Tríó Þorgríms Jónssonar ásamt gestum

Apríl 2020

1.apríl – Til heiðurs Wes Montgomery

8. apríl – Kvintett Inga Bjarna Skúlasonar

15. apríl – Hljómsveitin Bara gaman

17. apríl – Rebekka Blöndal & Marína Ósk

24. apríl – Bölvað braz