x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Meraki tríó / Agnar Már Magnússon – Mór

Jazzhátíð Reykjavíkur 30 ára

Spennandi tónleikatvenna í Kaldalóni á Jazzhátíð Reykjavíkur þriðjudagskvöldið 1. september kl. 20:00 og 21:15. Einn miðapassi (4000 kr.) gildir á báða tónleikana.

20:00 – Meraki tríó

Meraki tríó var stofnað árið 2018 og samanstendur af þeim Rósu Guðrúnu Sveinsdóttur baritónsaxófón- og flautuleikara, Söru Mjöll Magnúsdóttur píanóleikara og Þórdísi Gerði Jónsdóttur sellóleikara. Óhefðbundin hljóðfæraskipan gefur tríóinu möguleika á að nálgast útsetningar og spuna á fjölbreyttan máta. Meraki tríó hefur spilað eigin tónlist í bland við efni eftir aðra í nýjum útsetningum.

Þær vinna nú að sinni fyrstu plötu með tónlist eftir meðlimi tríósins. Lagasmíðavinnan hefur að miklu leyti verið unnin í fjarsambandi þar sem meðlimir búa allir í sitthvoru landinu með Atlantshafið á milli sín. Boltanum er kastað á milli og úr verður ófyrirsjáanlegur samruni ólíkra stíla sem koma saman í áhugaverðri samsuðu.

Meraki tríó hefur komið fram nokkrum sinnum á tónleikaröðinni Freyjujazz í Listasafni Íslands og einnig á tónleikaröðinni Ljúfum nótum í Fríkirkjunni.

MERAKI TRÍÓ:

Rósa Guðrún Sveinsdóttir: flauta, baritónsaxófónn
Sara Mjöll Magnúsdóttir: píanó
Þórdís Gerður Jónsdóttir: selló

21:15 – Agnar Már Magnússon – Mór – útgáfutónleikar

Píanistinn Agnar Már Magnússon tekur fyrir íslenska tónlistararfinn með frumsamda tónlist í bland. Tríóið skipa auk Agnars, Valdimar Kolbeinn Sigurjónsson á kontrabassa og Matthías Hemstock á trommur.  Tríóið hefur starfað saman með hléum síðan 2007 en þá sendi Agnar frá sér geisladiskinn Láð sem hefur lifað góðu lífi síðan. Þar var notaðist við þjóðleg stef og rímur til að gera nýja tónlist. Hér er sú hugmynd tekin áfram og unnið ennfrekar með íslenska tónlistararfinn. Íslensk þjóðlaga og rímnatónlist er heilmikill fjársjóður og úr honum má vinna nýjar og framsæknar hugmyndir. Ásamt tríóinu kemur einnig fram kvartett hornleikara, skipaður Stefáni Jóni Bernharðssyni, Emil Friðfinnssyni, Frank Hammarin og Asbjørn Ibsen Bruun.

FLYTJENDUR

Agnar Már Magnússon: píanó
Valdimar Kolbeinn Sigurjónsson: kontrabassi
Matthías Hemstock: trommur
Stefán Jón Bernharðsson: horn
Frank Hammarin: horn
Asbjørn Ibsen Bruun: horn
Nimrod Ron: túba

https://reykjavikjazz.is/