x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Maxímús Músíkús á Menningarnótt – Sinfóníuhljómsveit Íslands

Þessi viðburður er liðinn

Á fjölskyldutónleikum Sinfóníuhljómsveitar Íslands á Menningarnótt verður boðið upp á tónlistarævintýri um Maxímús Músíkús þar sem músin ástsæla villist inn á æfingu hjá sinfóníuhljómsveit. Þar kynnist hún tónlistinni af eigin raun og leiðir hlustendur með sér inn í heillandi hljóðheim sinfóníuhljómsveitarinnar. Tónlistin sem hljómar á tónleikunum er úr ýmsum áttum og má þar nefna Bolero eftir Maurice Ravel og Á Sprengisandi eftir Sigvalda Kaldalóns. Ævintýrið um Maxa hefur hlotið margvíslegar viðurkenningar og verðlaun og verið þýtt á fjölda tungumála. Verndari verkefnisins er Vladimir Ashkenazy, aðalheiðursstjórnandi Sinfóníuhljómsveitarinnar.

Hallfríður Ólafsdóttir flautuleikari er höfundur tónlistarævintýranna um Maxímús Músíkús og Þórarinn Már Baldursson víóluleikari myndskreytir sögurnar. Hallfríður og Þórarinn eru bæði hljóðfæraleikarar í Sinfóníuhljómsveit Íslands.

Á Menningarnótt í Reykjavík býður Sinfóníuhljómsveit Íslands á tvenna tónleika kl. 15 og 17. Ókeypis er á báða tónleikana og hægt er að nálgast miða frá kl. 11:00 á tónleikadegi á þessari síðu og í miðasölu Hörpu.

EFNISSKRÁ
Maurice Ravel Bóleró
Ludwig van Beethoven Sinfónía nr. 5, fyrsti þáttur
Aaron Copland Hátíðargjall fyrir hinn almenna borgara
Sigvaldi Kaldalóns Á Sprengisandi
Hallfríður Ólafsdóttir Lagið hans Maxa

HLJÓMSVEITARSTJÓRI
Bjarni Frímann Bjarnason

SÖGUMAÐUR
Valur Freyr Einarsson

SAGA OG MYNDIR
Hallfríður Ólafsdóttir og
Þórarinn Már Baldursson

 

Ókeypis er á tónleikana og hægt er að nálgast miða frá kl. 11:00 á tónleikadegi á harpa.is og í miðasölu Hörpu. Sækið miða frá kl. 11 í miðasölu Hörpu.