x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Maxímús heimsækir hljómsveitina – Sinfóníuhljómsveit Íslands

Þessi viðburður er liðinn

Sagan um Maxímús Músíkús er eitt ástsælasta tónlistarævintýri þjóðarinnar og hefur raunar farið um allan heim við mikla hrifningu. Músin ástsæla villist inn á æfingu hjá Sinfóníuhljómsveit Íslands, þar sem hún kynnist tónlistinni af eigin raun og leiðir hlustendur með sér inn í heillandi hljóðheim sinfóníuhljómsveitarinnar. Tónlistin sem hljómar á tónleikunum er úr ýmsum áttum og má þar nefna Bolero eftir Maurice Ravel og Á Sprengisandi eftir Sigvalda Kaldalóns. Ævintýrið um Maxa hefur hlotið margvíslegar viðurkenningar og verðlaun og verið þýtt á fjölda tungumála.

Höfundur tónlistarævintýranna um Maxímús Músíkús er Hallfríður Ólafsdóttir en hún var leiðandi flautuleikari Sinfóníuhljómsveitar Íslands í rúma tvo áratugi og eru tónleikarnir tileinkaðir minningu hennar. Þórarinn Már Baldursson víóluleikari í Sinfóníuhljómsveit Íslands myndskreytir sögurnar.

Ævintýrið um Maxa og hljómsveitina er frábær skemmtun fyrir alla fjölskylduna.

Takmarkað sætaframboð á tónleikana
Í samræmi við sóttvarnarlög er sætaframboð á tónleikana takmarkað. Vegna fjarlægðartakmarkana er gestum raðað í sæti af starfsfólki miðasölu til þess að tryggja að bil milli gesta sé í samræmi við sóttvarnarreglur. Úthlutun sæta fer fram 24 tímum áður en tónleikar hefjast og fá miðahafar sendan tölvupóst með sætanúmerum daginn fyrir tónleika, föstudaginn 12. febrúar. Tónleikagestum 15 ára og eldri ber skylda að vera með grímur á viðburðinum. Tónleikarnir eru um klukkustundarlangir án hlés. Við biðjum gesti að gæta vel að sóttvörnum og kynna sér leiðbeiningar til tónleikagesta áður en mætt er í Hörpu. Stöndum saman, við erum öll almannavarnir.

  • Efnisskrá

    Hallfríður Ólafsdóttir og Þórarinn Már Baldursson: Maxímús Músíkús heimsækir hljómsveitina

    HLJÓMSVEITARSTJÓRI
    Eva Ollikainen

    SÖGUMAÐUR
    Valur Freyr Einarsson

Allar dagsetningar

  • febrúar 2021
  • 13. feb 2021 – kl. 14–15
  • 13. feb 2021 – kl. 16–17
Deila