x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Mattila syngur Wagner – Sinfóníuhljómsveit Íslands

Karita Mattila er ein skærasta söngstjarna Norðurlanda. Á löngum og viðburðaríkum ferli hefur þessi finnska sópransöngkona meðal annars sungið leiðandi hlutverk við Metropolitan, Covent Garden og Bastillu-óperuna. Hún hefur tvívegis hlotið Grammy-verðlaun og árið 2005 valdi tímaritið Musical America hana tónlistarmann ársins. Árið 2007 gerði BBC Music Magazine lista yfir 20 bestu sópransöngkonur síðustu 100 ára og Mattila komst vitaskuld þar á blað. Hún syngur nú í fyrsta sinn á Íslandi með Sinfóníuhljómsveit Íslands og túlkar munúðarfulla ástarsöngva sem Wagner samdi við ljóð ástkonu sinnar Mathilde Wesendonck. Þetta er einstakt tækifæri til að heyra eina fremstu sópransöngkonu samtímans.

Yan Pascal Tortelier, aðalstjórnandi Sinfóníuhljómsveitar Íslands, er sannarlega á heimavelli þegar kemur að franskri tónlist og á tónleikunum hljómar eitt af eftirlætisverkum hans. Draumórasinfónían eftir Berlioz er lykilverk rómantíkurinnar í tónlist, ævintýraleg lýsing á ástarraunum ungs skálds sem að lokum grípur til örþrifaráða.

  • Efnisskrá

    Anton Webern Passacaglia
    Richard Wagner Wesendonck-söngvar
    Hector Berlioz Symphonie fantastique (Draumórasinfónían)

    HLJÓMSVEITARSTJÓRI
    Yan Pascal Tortelier

    EINSÖNGVARI
    Karita Mattila

    Tónleikakynning í Hörpuhorni » 18:00