Markverðar konur

Þessi viðburður er liðinn

Spennandi tónleikar með þeim Helen Whitaker, flautuleikara, Matthildi Önnu Gísladóttur, píanóleikara og Guðnýju Jónasdóttur, sellóleikara.

Á efnisskrá er tónlist eftir fjögur tónskáld, þær Judith Weir, Kaiju Saariaho, Ingibjörgu Ýr Skarphéðinsdóttur og Karólínu Eiríksdóttur.

Efnisskrá:
Ingibjörg Ýr Skarphéðinsdóttir (f. 1990)
Iða (2015) fyrir einleiksflautu

Karólína Eiríksdóttir (f. 1951)
Þættir úr verkinu Stjörnumuldur (2007) fyrir flautu og píanó

Kaija Saariaho (f.1952)
Couleurs du Vent (1998) fyrir altflautu

Judith Weir (f.1954)
Several Concertos (1980)fyrir flautu, selló og píanó

Finnskar konur voru þær fyrstu í heiminum til að öðlast kosningarétt. Ekki löngu seinna fylgdu stöllur þeirra á Íslandi og Bretlandi í fótspor þeirra. Ekki voru allar konur þó með sömu réttindi, en að lokum, fyrir um það bil 100 árum, fengu allar konur í þessum löndum rödd.

Þrátt fyrir þetta mikla afrek er ennþá að finna of lágt hlutfall kvenna á mörgum vettvöngum þjóðlífsins, tónlist er þar á meðal. Með þetta í huga er hér kynnt efnisskrá af verkum eftir konur frá Bretlandi, Íslandi og Finnlandi.

Markmið verkefnisins er að undirstrika rödd kvenna í hinum sígilda tónlistargeira, og sýna fram á fjölbreytt litbrigði þeirra tónskálda sem hér verða flutt. Efnisskráin leggur megináherslu á flautuna, en þau hljóðfæri sem munu koma fyrir eru flauta, altflauta, pikkólóflauta, knéfiðla og píanó.

Helen Whitaker is margverðlaunaður flautuleikari með fjölbreyttan feril. Hún stundaði nám við Trinity Laban Conservatoire of Music and Dance í London, og deilir tíma sínum á milli þess að flytja lifandi tónlist og vinna í hljóðverum, en hún hefur komið við sögu á mörgum hljómplötum í gegnum tíðina. M.a. hefur hún unnið með hljómsveitum og tónlistarmönnum eins og The Leisure Society, Ray Davies, Laura Marling og 5 Billion in Diamonds (Butch Vig), ásamt því að flytja nútímatónlist með hópum eins og The Colin Currie Group og Lontano. Helen er einnig meðframkvæmdastjóri og fyrsti flautuleikari ALDAorchestra sem hún stofnaði árið 2016 ásamt Helga Rafni Ingvarssyni, tónskáldi og stjórnanda.

Matthildur Anna Gísladóttir píanóleikari lauk bachelornámi í einleik frá Listaháskóla Íslands árið 2007. Næst lá leiðin til London þar sem hún lauk meistaranámi í meðleik við Royal Academy of Music. Árið 2014 útskrifaðist hún frá Alexander Gibson Opera School í Royal Conservatoire of Scotland með master í óperuþjálfun. Þar hlaut hún James H. Geddes Repetiteur verðlaunin. Þá hefur hún komið einnig komið að óperuuppsetningum m.a. hjá Íslensku Óperunni, Óperudögum í Kópavogi, British Youth Opera, Clonter Opera, Edinburgh Grand Opera, Lyric Opera Studio í Weimar, Scottish Opera, Royal Academy Opera, og CoOpera Co í London. Matthildur gegnir nú stöðu aðjúnkts í hljóðfæraleik við Listaháskóla Íslands auk þess sem hún er meðleikari við Menntaskólann í tónlist.

Guðný Jónasdóttir sellóleikari útskrifaðist með einleikaragráðu á mastersstigi frá Royal Academy of Music í London árið 2013 eftir að hafa einnig lært við Listaháskóla Íslands og Musikhochschule Lübeck í Þýskalandi. Guðný hefur leikið einleik með Sinfóníuhljómsveit Íslands, Ungfóníu og nýlega kom hún fram sem einleikari í tvöföldum konserti eftir Johannes Brahms með Eugene Lee og Southbank Sinfonia í St Martin-in-the-Fields. Hún er búsett og starfar sem sellóleikari í Lundúnum. Ásamt því að vera eftirsóttur kammermúsíkant víða um Evrópu hefur hún spilað með hljómsveitum á borð við Fílharmóníusveitina í Lübeck, Sinfóníuhljómsveit Íslands, Southbank Sinfonia, Orchestra of St. Pauls og Royal National Scottish Orchestra.

Tónleikarnir fara fram innan tónleikaraðarinnar Sígildir sunnudagar í Hörpu 2019 – 2020.

Dagskrá Sígildra sunnudaga veturinn 2019 – 2020

Dagskrá Sígildra sunnudaga veturinn 2019 – 2020

September 2019

Október 2019

Nóvember 2019

Desember 2019

Janúar 2020

Febrúar 2020

Mars 2020

Apríl 2020

Maí 2020