x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Maraþontónleikar á Menningarnótt – Sinfóníuhljómsveit Íslands

Þessi viðburður er liðinn

Reykjavíkurmaraþon verður hlaupið í 36. sinn á Menningarnótt 2019. Margir meðlimir Sinfóníuhljómsveitar Íslands hafa tekið þátt í hlaupinu gegnum árin, og fjölmargir hlauparar eru dyggir áheyrendur sinfónískrar tónlistar. Á þessum seinni tónleikum Sinfóníunnar á Menningarnótt verður leikin fjörmikil og hressileg tónlist til heiðurs þeim sem lokið hafa hlaupi þennan dag – en einnig öllum hinum sem fylgdust með af hliðarlínunni og hvöttu sitt fólk til dáða.

Tónleikarnir hefjast á Ólympíustefinu fræga eftir John Williams og þeim lýkur með hinu eina sanna hlaupalagi, stefinu vinsæla úr kvikmyndinni Chariots of Fire. Inn á milli hljóma taktfastir tónar, meðal annars Mambó eftir Bernstein, þáttur úr Brandenborgarkonsert eftir Bach og forleikurinn að Vilhjálmi Tell eftir Rossini. Þetta verða bráðskemmtilegir tónleikar sem öll fjölskyldan getur notið saman. Páll Óskar Hjálmtýsson lítur við í lok tónleikanna og syngur með hljómsveitinni.

Á Menningarnótt í Reykjavík býður Sinfóníuhljómsveit Íslands á tvenna tónleika kl. 15 og 17. Ókeypis er á báða tónleikana og hægt er að nálgast miða frá kl. 11:00 á tónleikadegi hér á þessum vef og í miðasölu Hörpu.

EFNISSKRÁ
Tónlist eftir J.S. Bach, Leonard Bernstein, Gioachino Rossini, Ethel Smyth, John Williams, Vangelis og fleiri

HLJÓMSVEITARSTJÓRI
Bjarni Frímann Bjarnason

KYNNIR
Halldóra Geirharðasdóttir

Ókeypis er á tónleikana og hægt er að nálgast miða frá kl. 11:00 á tónleikadegi á harpa.is og í miðasölu Hörpu.  Sækið miða frá kl. 11 í miðasölu Hörpu.