x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Magnús Jóhann – Útgáfutónleikar Without Listening

Magnús Jóhann er píanóleikari og tónskáld sem hefur komið að fjölþættri tónlistarsköpun í víðum skilningi. Hann er virkur tónlistarflytjandi bæði í hljóðveri og á hljómleikum ásamt því að hafa samið tónlist fyrir kvikmyndir, leikhús og fleira. Hann hefur gefið út tvær sólóplötur, Pronto, árið 2016, og Without Listening sem leit dagsins ljós í nóvember 2020. Þeirri seinni hyggst hann fagna í Norðurljósum með útgáfutónleikum þann 12. mars næstkomandi.

Without Listening dansar á mörkum hins lífræna og vélræna ásamt því að blanda saman tónsmíðum og spuna. Platan kannar ýmsa króka og kima en þar blandast meðal annars saman naumhyggjulegt píanó, nútímadjassaður saxófónn og þrumandi slagverk í eitt flæði með sterkum heildarsvip að mati gagnrýnenda. Sakna, upphafslagi plötunnar, líkir rýnir Morgunblaðsins svo: „Það er eins og maður sé kominn niður á hafsbotn, svo umlykjandi er þessi tónsmíð“. Hljómplötuna vann Magnús á árunum 2017 – 2020 í samstarfi við saxófónleikarann Tuma Árnason og trommuleikarann Magnús T. Eliassen en þeir koma fram ásamt Magnúsi á tónleikunum. Efnisskrá tónleikanna verða eingöngu frumsamin verk Magnúsar Jóhanns.

Deila