x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Lisiecki spilar Schumann – Sinfóníuhljómsveit Íslands

Kanadíski píanistinn Jan Lisiecki er rétt rúmlega tvítugur en ferill hans spannar heilan
áratug. Hann vakti heimsathygli þegar hann lék píanókonsert Chopins á
Chopin-hátíðinni í Varsjá árið 2008, tólf ára gamall, og sama ár lék hann í fyrsta
sinn í Carnegie Hall. Tveimur árum síðar var hann kominn með samning hjá
Deutsche Grammophon og síðan hefur hann leikið með flestum helstu hljómsveitum
heims. Hann var valinn Ungi listamaður ársins á Gramophone-verðlaununum 2013 og
sama ár hlotnuðust honum verðlaun kennd við Leonard Bernstein. Á þessum tónleikum
Sinfóníuhljómsveitar Íslands leikur hann hinn undurfagra og rómantíska
píanókonsert Schumanns, en hljóðritun Lisieckis á verkinu kom út árið 2016 og
hefur hlotið frábæra dóma.

Franski hljómsveitarstjórinn Bertrand de Billy þykir sérlega innblásinn stjórnandi og
stýrði nýverið rómaðri uppfærslu af Toscu við Metropolitan-óperuna í New York.
Mörgum er enn í fersku minni þegar hann stjórnaði Sinfóníuhljómsveit
Íslands í Háskólabíói vorið 2011 og Isabelle Faust lék fiðlukonsert Beethovens.
Nú snýr de Billy loks aftur til Íslands með tvö hrífandi en sjaldheyrð verk í
farteskinu. Olivier Messiaen var eitt trúræknasta tónskáld 20. aldar og hér
hljómar eitt af hans fyrstu hljómsveitarverkum, Les offrandes oubliées
(Gleymdar fórnargjafir) frá árinu 1930. Tékkneska tónskáldið Josef Suk var
tengdasonur Dvor?áks og samdi rómantíska tónlist sem stundum minnir á Richard
Strauss. Pohádka eða Ævintýri er litrík og glæsileg hljómsveitarsvíta sem þykir
hans besta verk og hljómar nú á Íslandi í fyrsta sinn.

 

Tónleikakynning í Hörpuhorni » 18. okt. kl. 18:00

  • Efnisskrá

    EFNISSKRÁ
    Olivier Messiaen Les offrandes oubliées
    Robert Schumann Píanókonsert
    Josef Suk Ævintýri (Pohádka)
    HLJÓMSVEITARSTJÓRI
    Bertrand de Billy
    EINLEIKARI
    Jan Lisiecki