x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Krossmiðlun

Auglýsingar í sýndarveruleika

Þessi viðburður er liðinn

Markaðsráðstefnan Krossmiðlun verður haldin 24. febrúar í Hörpu en þetta er í þriðja sinn sem ráðstefnan er haldin.

Yfirskriftin að þessu sinni er: Auglýsingar í sýndarveruleika: 360° sýn á framtíð markaðsefnis. Meðal fyrirlesara verða íslenskir og erlendir sérfræðingar á sviði sýndarveruleika. Aðalræðumaður ráðstefnunnar verður Joshua Hirsch, Global Director of Creative Technology hjá TBWA.

Viðburðurinn er frá 8:30 – 12:00.

Húsið opnar klukkan 8:00.

Joshua Hirsch hefur verið nefndur af Adweek sem einn af 10 áhrifamestu tæknisérfræðingunum í auglýsingabransanum. Áður en hann hóf störf hjá TBWA stýrði hann tækniteymi hinnar þekktu auglýsingastofu Big Spaceship en sú stofa þjónustaði vörumerki á borð við Nike, Wrigley, HBO, GE og hlaut margvísleg verðlaun fyrir. Þaðan lá leiðin til Publicis Kaplan og svo Deutsch LA áður en hann gekk til liðs við TBWA.

Stefanía G. Halldórsdóttir er framkvæmdastjóri CCP á Íslandi. Hún hóf störf hjá fyrirtækinu sem deildarstjóri leikjahönnunar fjölspilunarleiksins EVE Online og tók síðar við stöðu þróunarstjóra leiksins. Stefanía starfaði sem yfir-framleiðandi og þróunarstjóri hjá CCP í Shanghai á árunum 2014-2016 þar sem hún stýrði meðal annars framleiðslu sýndarveruleikaleiksins Gunjack sem er mest seldi sýndarveruleikaleikur í heimi.

Thor Gunnarsson er einn af stofnendum Sólfars og stýrir þar markaðsþróun fyrirtækisins sem hefur komið sér í fremstu röð fyrirtækja á sviði sýndarveruleika. Hann hefur meðal annars starfað hjá CCP og komið að þróun sýndarveruleika frá því að sú tækni kom fyrst fram á sjónarsviðið. Erindi hans mun fjalla um hvað hægt sé að læra af EVEREST VR verkefni Sólfars, með tilliti til markaðssetningar.

Tristan Elizabeth Gribbin er ein af stofnendum FLOW VR sem býður upp á hugleiðslutækni með hjálp sýndarveruleika. Erindi hennar mun fjalla um hvernig sýndarveruleikatækni getur nýst til að stuðla að andlegu og líkamlegu heilbrigði.

Sigurður Ásgeir Árnason er framkvæmdarstjóri Drexler sem er tónlistardrifinn fjölnotenda-hlutverkatölvuleikur. Erindi hans mun fjalla um hvernig hagnýta megi leikjahegðun við markaðssetningu í þeim tilgangi að styrkja vörumerkjatengsl við markhópa framtíðarinnar.