x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Kordo kvartettinn

Sígildir sunnudagar

Þessi viðburður er liðinn

Nýstofnaður íslenskur strengjakvartett, Kordo kvartettinn, kveður sér hljóðs og leikur verk eftir Mozart, Webern og Borodin.  Strengjakvartett nr. 21 í D-dúr eftir Mozart er sá fyrsti í röð svokallaðra prússneskra kvartetta, sem samdir voru fyrir og tileinkaðir Friedrich Wilhelm II Prússakeisara, sem lék á selló sér til yndisauka. Þessi glaðlega tónsmíð er skrifuð í líkum stíl og kvartettar Haydns. Sex bagatellur op. 9 eftir Anton Webern taka aðeins um 5 mínútur í flutningi, en eru þrátt fyrir knappt form mikilvægt skref í þróun atónal tónmáls tuttugustu aldar.  Tónleikunum lýkur svo á hinum gullfallega strengjakvartett nr. 2 eftir Alexander Borodin.

Fiðluleikararnir Vera Panitch og Páll Palomares eru nýráðin í leiðandi stöður við Sinfóníuhljómsveit Íslands, Vera sem annar konsertmeistari og Páll er leiðari annarar fiðlu. Páll er einn þekktasti fiðluleikari sinnar kynslóðar. Hann hefur hlotið verðlaun í fjölmörgum keppnum á íslenskri jafnt sem erlendri grund og komið fram sem einleikari með fjölda hljómsveita víða í Evrópu. Vera Panitch er fædd í Danmörku en af rússneskum og úkraínskum uppruna. Hún hefur unnið til verðlauna í fjölda keppna og lauk nýverið einleikaraprófi frá Konunglega danska tónlistarháskólanum í Kaupmannahöfn.

Víóluleikarinn Þórarinn M. Baldursson hefur verið virkur í íslensku tónlistarlífi um árabil. Ásamt því að leika með Sinfóníuhljómsveit Íslands hefur hann spilað með stórum og smáum kammerhópum, s.s. Caput, Kammersveit Reykjavíkur, Elektru og Kúbus.

Hrafnkell Orri Egilsson sellóleikari hefur verið fastráðinn við Sinfóníuhljómsveit Íslands frá árinu 2002 og leysir nú af sem staðgengill leiðara. Veturinn 2000–2001 var Hrafnkell Orri fastráðinn sellóleikari við Fílharmoníusveitina í Lübeck. Auk þess að vera meðlimur í Kammersveit Reykjavíkur leikur hann með hinum ýmsu tónlistarhópum.

W. A. Mozart (1756-1791)   ca.24min
Strengjakvartett Nr.21 í D-dúr, K. 575, ”Prússneski No.1”
1. Allegretto
2. Andante
3. Menuetto. Allegretto…
4. Allegretto

A. Webern (1883-1945)   ca.3-4min
Sex bagatellur Op. 9
1. Mässig
2. Leicht bewegt
3. Ziemlich fliessend
4. Sehr langsam
5. Äusserst langsam
6. Fliessend

A. Borodin (1833-1887)   ca.28min
Strengjakvartett Nr.2 í D-dúr
1. Allegro Moderato
2. Scherzo. Allegro
3. Andante
4. Finale. Andante – Vivace
5. Tango – Valse – Rag