x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Konan í speglinum

lög við ljóð Ingibjargar Haraldsdóttur

Þrjár Ingibjargir renna saman í eina konu, einn hugarheim, einn hljóm.

Tónleikaupplifun þar sem ljóð Ingibjargar Haraldsdóttur fléttast inn í töfrandi hljóðheim Ingibjarga. Þar hljóma langspil, klarinett, kalimbur, spiladósir, píanó, rafhljóð, harmoníum og raddir.

Konan í speglinum er sönglagabálkur með nýjum lögum við ljóð Ingibjargar Haraldsdóttur. Ingibjörg Fríða og Ingibjörg Ýr hafa unnið að tónlistinni síðustu ár, og hlutu í ár listamannalaun til að fullvinna tónlistina og gera klára til flutnings og upptöku á plötu. Ingibjörg Ýr semur tónlistina sem þær þróa svo báðar áfram í flutningi og spuna. Þær hafa flutt lögin við ýmis tækifæri og á tónleikum í Reykjavík, Siglufirði, Stykkishólmi og á Egilsstöðum.

Ingibjörg Fríða Helgadóttir, söngur og önnur hljóðfæri
Ingibjörg Ýr Skarphéðinsdóttir, tónskáld, píanó, söngur og önnur hljóðfæri

Tónleikarnir eru styrktir af Ýli og launasjóði listamanna

Ingibjörg Fríða er söngkona með fjölbreyttan bakgrunn og hefur lokið bæði klassísku og rytmísku söngnámi hér á landi. Þar að auki hefur hún lokið B.A. prófi í skapandi tónlistarmiðlun frá Listaháskóla Íslands og hluta úr náminu stundaði hún í Sibeliusarakademíunni í Helsinki. Síðustu ár hefur hún starfað sem söngkona, sungið í kórum og kammerhópum, jazz- og popphljómsveitum en einnig við dagskrárgerð á RÚV og sem söng- og tónlistarkennari.

Ingibjörg Ýr útskrifaðist með B.A. próf í tónsmíðum frá LHÍ vorið 2016. Kennari hennar þar var Hróðmar I. Sigurbjörnsson. Haustið eftir hélt hún út til Englands í starfsnám hjá Önnu Þorvaldsdóttur. Ingibjörg Ýr hefur samið tónlist við margvísleg tilefni og unnið með Sinfóníuhljómsveit Íslands, Kammersveit Reykjavíkur, Kór Breiðholtskirkju og ýmsum leikhópum, dönsurum og kvikmyndagerðarfólki. Hún starfar nú sem tónskáld og sér einnig um tónlistarkennslu á leikskóla Hjallastefnunnar.