x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Jon Kabat – Zinn

Þessi viðburður er liðinn

Jon Kabat-Zinn, prófessor emeritus í læknisfræði við University of Massachusetts, lagði fyrstur manna grunn að iðkun núvitundar í læknisfræði og sálfræði okkar daga. Hann þróaði árið 1979 Mindfulness Based Stress Reduction (MBSR), fyrsta átta vikna núvitundarnámskeið sögunnar gegn streitu. Niðurstöður rannsókna hafa leitt í ljós að það skilar árangri á mörgum sviðum og er kennt um allan heim. Segja má að á nýliðnum árum hafi orðið eins konar „núvitundarbylting“ í hinum vestræna heimi og núvitund öðlast sess á fjölmörgum sviðum mannlífsins, m.a. í mennta-, dóms- og heilbrigðiskerfi, á almennum vinnustöðum og í afreksíþróttum. Bækur Jons Kabat-Zinn hafa verið á metsölulistum og þýddar á yfir 40 tungumál.

Jon Kabat-Zinn er eftirsóttur fyrirlesari og kennari. Þekking hans á erindi til allra sem leitast við að gera sitt besta til að takast á við áskoranir daglegs lífs, auka vellíðan og lífsgæði og stuðla að betra samfélagi.

Jon Kabat-Zinn heimsækir nú Ísland í fyrsta sinn á vegum Núvitundarsetursins og Embætti landlæknis. Að því tilefni er efnt til þriggja viðburða í Hörpu sem ætlaðir eru öllum sem hafa áhuga á núvitund eða langar einfaldlega til að nýta einstakt tækifæri og kynnast þessum merka frumkvöðli.

Tilboðsverð er 79.000 kr. ef keyptir eru miðar á alla viðburðina

 


Miðvikudagur 30. maí kl. 19.00–21.30

Listin og vísindin á bak við núvitund: Einföld hugleiðsluiðkun sem stuðlar að bættri heilsu fyrir iðkandann og heiminn – Kvöldstund með Jon Kabat-Zinn

Þessi fyrirlestur Jons Kabat-Zinn á erindi til allra sem vilja kynna sér nánar hvað felst í nálgun núvitundar og þau vísindi sem liggja þar að baki.

Ævistarf Jons Kabat-Zinn hefur snúist um það að byggja brú á milli austrænnar visku og vestrænna vísinda. Það er mikið ánægjuefni að bjóða hann velkominn til Íslands í fyrsta sinn.

Jon Kabat-Zinn, Ph.D., er prófessor emeritus í læknisfræði í University of Massachusetts í Bandaríkjunum. Árið 1979 þróaði hann þar námskeiðið Núvitund gegn streitu (Mindfulness-Based Stress Reduction; MBSR) og árið 1995 stofnaði hann miðstöð núvitundar í læknisfræði, heilsugæslu og samfélagi (Center for Mindfulness in Medicine, Health Care and Society). Hann hefur sent frá sér tíu bækur, þar á meðal metsölubækurnar Full Catastrophe Living, Wherever You Go, There You Are og The Mindfulness for Beginners. Þá hefur hann ritstýrt fræðibókum á þessu sviði og má þar nefna Mindfulness: Diverse Perspectives on its Meanings, Origins and Applications ásamt prófessor Mark Williams. Bækur hans hafa verið þýddar á yfir 40 tungumál. Verk hans liggja til grundvallar þess að núvitund hefur nú eignast sess á ýmsum vettvangi í samfélaginu, t.d. í læknisfræði, sálfræði, taugavísindum, heilsugæslu, menntakerfi, viðskipta- og tækniheimi, í stjórnsýslu, réttarkerfi og fangelsum. Afreksfólk í íþróttum hefur tileinkað sér aðferðar núvitundar og sjúkrahús og heilsugæslustöðvar víða um heim bjóða nú upp á klínísk úrræði sem byggð eru á núvitundarþjálfun og námskeiðinu Núvitund gegn streitu (MBSR). Jon Kabat-Zinn heldur fyrirlestra og leiðir vinnustofur og hlédrög um allan heim.

Verð: 10.000 kr.


Föstudagur 1. júní kl. 8.00–16.30

Viska og þol á álagstímum – Dagur með Jon Kabat-Zinn

Jon Kabat-Zinn mun leiða þátttakendur í gegnum daginn með hugleiðsluæfingum og umræðu til að styrkja þá í aukinni hugarró og visku. Þessi dagur á erindi til allra sem vilja læra aðferðir til að takast á við áskoranir daglegs lífs og auka lífsgæði sín.

Hér gefst tækifæri til þess að vera með Jon Kabat-Zinn í einn dag og finna á eigin skinni hvað það er sem hefur laðað fólk að núvitund á síðustu árum. Hann mun leiða hugleiðslur, jóga og umræður.

Gerðar verða æfingar sitjandi, liggjandi, gangandi, auk jógaæfinga.

Þátttakendur eru beðnir um að vera í þægilegum fötum og hafa með sér dýnu, púða eða sessur ef þeir hafa tök á, en stólar verða jafnframt á staðnum.

Allir velkomnir, bæði byrjendur og lengra komnir.

Verð: 59.000 kr.

Innifalið er morgunhressing, hádegisverður og kaffi/te


Laugardagur 2. júní kl. 10.00–13.00

Núvitund í uppeldi – Hálfs dags vinnustofa með Jon og Myla Kabat-Zinn

Hálfs dags vinnustofa með Jon Kabat-Zinn og eiginkonu hans, Myla Kabat-Zinn. Þau munu fræða þátttakendur um það hvernig núvitund getur auðveldað okkur að mæta hverju barni með visku og virðingu. Þessi vinnustofa á erindi til allra sem mæta þörfum barna, hvort sem um er að ræða fagfólk, foreldra, afa eða ömmur.

Vinnustofan er ætluð foreldrum og öðru fjölskyldufólki sem og öllum þeim sem annast börn á einn eða annan hátt, bæði fagfólki og almenningi. Uppeldi með núvitund getur aukið vellíðan barna og uppalenda, stuðlað að samhygð og virðingu fyrir sérstöðu hvers barns. Á erfiðum stundum hættir okkur til að sýna ósjálfráð viðbrögð sem rekja má til vanabundinna og óhjálplegra hugsanaferla og eiga oftar en ekki rætur að rekja til okkar eigin bernsku. Ef við erum ómeðvituð um þetta er sennilegra að við bregðumst við á vanabundinn hátt og það er engum hollt, hvorki barninu né okkur sjálfum. Það má hugsa um núvitund sem opna, fordómalausa og hjartahlýja meðvitund. Með því að einsetja sér að rækta núvitund er mögulegt að ná stjórn á eigin ótta, kvíða og fordómum og velja vitrari leiðir til að bregðast við krefjandi aðstæðum með börnum okkar. Myla og Jon munu leiða hugleiðslu og stýra einföldum æfingum til að skoða hvernig núvitund í daglegu lífi getur hjálpað okkur til að takast á við þær áskoranir sem við kunnum að standa frammi fyrir með börnum á ólíkum aldri. Þessar leiðir gera okkur einnig kleift að njóta enn betur þeirra ánægjustunda sem uppeldishlutverkið færir okkur. Á vinnustofunni munum við ræða um „meðalveginn“ í stórum og litlum hópum og hvernig við byggjum upp tengsl, traust og innri þrautseigju í ljósi viðeigandi væntinga til hvers aldursskeiðs þegar um börn er að ræða.

Jon og Myla Kabat-Zinn

Myla Kabat-Zinn, B.S.N., R.N., hefur aðstoðað við fæðingar bæði í heimahúsum og á sjúkahúsum jafnframt því að kenna núvitund í tengslum við fæðingu barna. Myla hefur leitt vinnustofur um Uppeldi með núvitund í Bandaríkjunum og Evrópu. Hún er þriggja barna móðir og amma.

Jon Kabat-Zinn, Ph.D., er professor emeritus í læknisfræði við University of Massachusetts Medical School, stofnandi Center for Mindfulness in Medicine, Health Care and Society, miðstöðvar UMass í núvitund í læknisfræði, heilsugæslu og samfélagi og þróaði námskeiðið Núvitund gegn streitu (MBSR) sem nú er víða notað í heiminum á sjúkrahúsum og heilsugæslustöðvum. Jon er höfundur tíu bóka sem þýddar hafa verið á yfir 40 tungumál. Hann leiðir vinnustofur um núvitund og notagildi hennar um allan heim. Jon er faðir sömu þriggja barna og afi.

Verð: 19.000 kr.

Innifalið er morgunhressing og kaffi/te


Allar dagsetningar

  • maí 2018
  • 30. maí 2018 – kl. 19–21:30
  • júní 2018
  • 01. jún 2018 – kl. 08–16:30
  • 02. jún 2018 – kl. 10–13
Deila