x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Jóga og gongslökun í Björtuloftum

Styrktarviðburður

Þessi viðburður er liðinn

Vilt þú vera með okkur á gullfallegum stað í tilverunni við sólarupprás?

Þann 9. október næstkomandi verður sérstakur styrktarjógatími fyrir Jógahjartað, sem stendur fyrir Hugleiðsludegi unga fólksins þann sama dag 10:30-10:40. Jógatíminn hefst klukkan 8 og stendur
til 9:30 um morguninn í Björtuloftum í Hörpu. Gott er að koma amk 15 mínútum fyrr og koma sér fyrir.

Ingibjörg Stefánsdóttir (yogashala.is) mun leiða tímann og er hún einn reyndasti og mest hjartamiðaði jógakennari sem við eigum hérlendis og er sönn ánægja að hafa hana með okkur í þessu verkefni.
Í lok tímans mun Arnbjörg Kristín Konráðsdóttir einn stofnenda Jógahjartans, jógakennari og gongkennari (peaceresound.com) leika á þrjú mismunandi gong sem fara mjúkum heilunartónum um vitund þína.

Þér gefst einnig tækifæri á að styrkja okkur með millifærslu á þennan reikning:
Nr. 526-14-403558
Kt. 510414-1010

Hugleiðsludagur unga fólksins / Mediation day for youth

Vertu með í 3 mínútna hugleiðslu á landsvísu fyrir frið í hjarta! Markmið dagsins er að sameina ungt fólk (6-16 ára) í 3 mínútna hugleiðslu í skólum hérlendis og erlendis (við vitum að Kanada
verður með að einhverju leyti eins og í fyrra) og vera með beint streymi frá Björtuloftum í Hörpu þar sem við hugleiðum fyrir frið í hjarta með um 100 unglingum frá mismunandi skólum á höfuðborgarsvæðinu.

Allir mega vera með hvar sem er kl 10:30!

Við erum að vekja athygli á hugleiðslu sem leið til að ma. skapa innri frið, finna innri náttúrulega gleði, vinna úr tilfinningum, kvíða, streitu og vanlíðan hjá ungu fólki og gera þau að sterkari einstaklingum. Sama dag er afmælisdagur John Lennon, þess mikla friðarsinna og verður kveikt á friðarsúlunni um kvöldið í Viðey. Hægt er að vera með á livestream í hugleiðslustundinni og setjum við vefslóðina hér inn í þennan viðburð þegar nær dregur.