x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Íslenskir Strengir

Sígildir sunnudagar

Þessi viðburður er liðinn

Íslenskir strengir undir stjórn Ólafar Sigursveinsdóttur flytja magnaða efnisskrá í Norðurljósum í Hörpu sunnudaginn 27. janúar kl. 16.
Hina nánast yfirskilvitlegu og leiðslukenndu tónsmíð, Ich bin der Welt abhanden gekommen, eftir Gustav Mahler flytja Íslenskir strengir og blásarar ásamt Hönnu Dóru Sturludóttur mezzósópransöngkonu. Lagið er úr lagasyrpu með alls fimm lögum við ljóð Friedriech Rückert og flytur Hanna tvö af þeim á þessum tónleikum: Það ofannefnda og einnig Liebst du an Schönheit.

Íslenskir strengir leika nýtt verk eftir hina ungu og upprennandi, Birgit Djupedal. Birgit er norsk og hefur samið ofurlítið feminíska barokksvítu fyrir Íslenska strengi, Sprund. Sprund er stóráhugaverð með þjóðlagakeim og léttum stíl þar sem hver kafli fær viðurnefni einsog Telpa-Allemande, Snót-Bourrée o.s.frv.

Ekki ber síst að nefna að Þorsteinn Freyr Sigurðsson tenór og Joe Ognibene horn túlka hinn dramatíska ljóðaflokk: Serenöðu op. 31 fyrir horn, tenór og strengi eftir Benjamin Britten. Þetta var flutt áður á tónleikum Íslenskra strengja við fögnuð í Salnum í september sl. og við lof gagnrýnenda. Hér fá þeir sem vilja tækifæri til að heyra tvíeykið, Þorstein og Joe endurtaka leikinn. Lögin í Serenöðunni eru við ensk fornljóð sem vísa til næturstemninga og til næturinnar í sinni fegurstu en einnig trylltu mynd. Hér er eitt meistarastykki 20. aldar tónbókmennta á ferðinni. Tónmálið er markað af djúpum tilfinningum og krefst listræns og tæknilegs metnaðar af stjórnanda og yfirburða einleikara og einsöngvara.

Tónleikunum lýkur með kraftmikilli flugeldasýningu úr höndum barokktónsmiðsins Francesco Geminiani. Þar leika Íslenskir strengir Concerto Grosso í d-moll við hið margfræga ,,La Folia“. Þar fá hljóðfæraleikararnir, Chrissie Telma Guðmundsdóttir fiðla, Justyna Bidler fiðla, Þórunn Harðardóttir víóla og Helga Björg Ágústsdóttir selló að láta ljós sitt skína.

Konsertmeistari Íslenskra strengja á þessum tónleikum er Sigurlaug Eðvaldsdóttir.

Einsöngvarar:
Hanna Dóra Sturludóttir mezzósópran
Þorsteinn Freyr Sigurðsson, tenór
Joe Ognibene, einleikur á horn

Hljómsveitarstjóri:
Ólöf Sigursveinsdóttir

Íslenska strengi skipa:
Sigurlaug Eðvaldsdóttir (konsertmeistari)
Justyna Bidler
Sigríður Bjarney Baldvinsdóttir
Martin Frewer
Kristján Matthíasson
Vigdís Másdóttir
Chrissie Telma Guðmundsdóttir
Íris Dögg Gísladóttir
Christiane Hajek
Hlín Erlendsdóttir
Helga Björg Ágústsdóttir
Jacek Karwan
Ásthildur Helga Jónsdóttir

Blásarar, hörpuleikari og píanisti:
Steinunn Vala Pálsdóttir, flauta
Peter Tompkins, óbó
Ármann Helgason, klarínett
Kristín Þóra Pétursdóttir
Kristín Mjöll Jakobsdóttir
Joe Ognibene, horn
Steinar Kristinsson, trompet
Ingibjörg Guðlaugsdóttir básúna
Katie Buckley harpa
Einar Bjartur Egilsson píanó