x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Íslenskar fiðlusónötur

Sígildir sunnudagar

Rómantískar og stórbrotnar íslenskar sónötur fyrir fiðlu og píanó

Auður Hafsteinsdóttir fiðluleikari og Anna Guðný Guðmundsdóttir píanóleikari hafa leikið saman í fjölda ára.

Á þessum tónleikum munu þær flytja sónötur eftir m.a. Sveinbjörn Sveinbjörnsson, Jón Nordal og Karl O. Runólfsson. Þessar sónötur eru fyrstu íslensku fiðlusónöturnar, samdar á fyrri hluta 20. aldar og eru afar merkur menningararfur í tónlistarsögu Íslendinga.

Auður Hafsteinsdóttir lauk einleikaraprófi á fiðlu frá Tónlistarskólanum í Reykjavík árið 1983 aðeins 17 ára gömul. Hún lauk B.M. gráðu með hæstu einkunn frá New England Conservatory í Boston árið 1987 og Master of Music gráðu hjá hinum virtu Almitu og Roland Vamos árið 1991. Hún hefur komið víða fram sem einleikari og í kammermúsík á alþjóðlegum vettvangi, m.a. í Bandaríkjunum, Kanada, Japan, Kína og víða í Evrópu. Auður hefur leikið inn á fjölda geisladiska fyrir innlend og erlend útgáfufyrirtæki m.a. Tutl, Japis, King records, GM records (USA) og Naxos. Auður vinnur nú að geisladisk með íslenskri fiðlutónlist frá árunum 1940-2010.

Anna Guðný Guðmundsdóttir hefur verið fastráðinn píanóleikari við Sinfóníuhljómsveit Íslands frá 2005, en kemur einnig reglulega fram sem einleikari, meðleikari og kammermúsíkant, og hefur sem slíkur lagt drjúgan skerf til íslenskstónlistarlífs í 30 ár. Anna Guðný hlaut Íslensku tónlistarverðlaunin 2009 sem flytjandi ársins, meðal annars fyrir rómaðan flutning og upptöku á Tuttugu tillitum til Jesúbarnsins eftir Olivier Messiaen, en hún hefur alls leikið inn á um 30 geislaplötur einog með öðrum. Anna Guðný lauk einleikaraprófi frá Tónlistarskólanum í Reykjavík 1979 og stundaði framhaldsnám við Guildhall School of Music í Lundúnum.

Deila