x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Hvar er húfan mín? – Sinfóníuhljómsveit Íslands

„Hvar er húfan mín?“, „Ja, fussum svei!“, „Dvel ég í draumahöll“, „Þegar piparkökur bakast“ og fjölmörg önnur kunnugleg lög úr heimahögum Kaspers og Jespers og Jónatans, Soffíu frænku, Lilla klifurmúsar og Mikka refs hljóma nú í fyrsta sinn í Eldborg í meðförum Sinfóníuhljómsveitar Íslands. Sögurnar og söngvarnir hafa glatt unga jafnt sem aldna um langt árabil og eru söngvar og persónur Thorbjörns Egners meðal okkar skemmtilegustu og tryggustu heimilisvina.

Gestgjafar á þessum litríku fjölskyldutónleikum verða hinir landsþekktu leikarar og söngvarar Jóhanna Vigdís Arnardóttir, Pálmi Gestsson, Valur Freyr Einarsson og Sigurður Þór Óskarsson ásamt Skólakór Kársness. Sinfóníuhljómsveitin okkar tekst nú á hendur stórkostlega skemmtilegt ferðalag til Kardemommubæjar og Hálsaskógar þar sem góð samskipti og fallegar lífsreglur eru lagðar í hvívetna. Lögin hljóma í nýjum og glæsilegum útsetningum Jóhanns G. Jóhannssonar, sem er landskunnur fyrir störf sín við leikhústónlist og sjálfur höfundur Skilaboðaskjóðunnar vinsælu.

Viðburðurinn var upphaflega á dagskrá 25. apríl 2020 en var frestað vegna samkomubanns. Miðahafar fá senda nýja miða á nýrri dagsetningu á næstu dögum. 

Takmarkað sætaframboð á tónleikana
Í samræmi við sóttvarnarlög er sætaframboð á tónleikana takmarkað við 100 tónleikagesti í hverju sóttvarnarhólfi. Í það minnsta eitt autt sæti er á milli allra pantana til að tryggja nálægðarmörk milli gesta. Gestum ber skylda að vera með grímu á tónleikunum sem eru um klukkustundarlangir án hlés. Við biðjum gesti að gæta vel að sóttvörnum og kynna sér leiðbeiningar til tónleikagesta áður en mætt er í Hörpu. Stöndum saman, við erum öll almannavarnir.

  • Efnisskrá

    Tónlist eftir Thorbjörn Egner úr Kardemommubænum og Dýrunum í Hálsaskógi

    HLJÓMSVEITARSTJÓRI
    Daníel Bjarnason

    EINSÖNGVARAR OG SÖGUMENN
    Jóhanna Vigdís Arnardóttir, Pálmi Gestsson, Valur Freyr Einarsson og Sigurður Þór Óskarsson

    KÓR
    Skólakór Kársness
    Álfheiður Björgvinsdóttir og Þóra Marteinsdóttir kórstjórar

    ÚTSETNINGAR
    Jóhann G. Jóhannsson

Allar dagsetningar

  • maí 2021
  • 15. maí 2021 – kl. 14–15
  • 15. maí 2021 – kl. 16–17
  • 16. maí 2021 – kl. 14–15
  • 16. maí 2021 – kl. 16–17
Deila