x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

HIMA – Hátíðartónleikar

HIMA og New Music for Strings

Árlegu námskeiði Alþjóðlegu tónlistarakademíunnar í Hörpu (HIMA) lýkur með hátíðartónleikum. Að þessu sinni sameina krafta sína HIMA og New Music for Strings (NMFS) sem heldur sitt annað námskeið í Reykjavík um þessar mundir.

Fyrri hluti: ,,Strengleikar”
Á fyrri hluta tónleikanna leikur strengjasveit HIMA fjögur verk. Í sveitinni leika nemendur og kennarar úr eldri deild en fiðluleikarinn víðkunni, Eugene Drucker úr Emerson strengjakvartettinum, mun leiða sveitina í gegnum efnisskrá þar sem teflt er saman nýjum verkum, íslenskum og erlendum, í bland við meistaraverk fyrri ára.

Efnisskrá
Áskell Másson: Epilogue
Elgar: Introduction and Allegro op. 47
David Allen Cutright: Tableau nr. 2, úr Three Tableaux
Shostakovich: Chamber Symphony for String Orchestra op. 110a

Seinni hluti: ,,Á gangi í listasafninu”
Í anda tónlistarhátíðarinnar New Music for Strings er seinni hluti tónleikanna einskonar ,,tónlistarsýning” þar sem hvert tónverk er flutt á mismunandi stað í tónleikasalnum og áhorfendum boðið í ferðalag. Verkin eru flutt hvert á eftir öðru en áheyrendur færa sig til rétt eins og þeir væru staddir á myndlistarsýningu. Tónlistin er ávallt í forgrunni en sjónræna upplifunin margbreytilegri en tónleikagestir eiga að venjast. Frumflutt verður nýtt íslenskt verk eftir Þráinn Hjálmarsson fyrir sjö strengjaleikara og söngrödd. Einnig verða flutt verk eftir Chen Yi, Mari Kimura og David Bruce.

Hátíðartónleikarnir eru ávöxtur samstarfs tónlistarhátíðanna HIMA og NMFS. Þessar hátíðir búa samanlagt yfir ellefu ára árangursríku starfi á sviði tónlistarmenntunar og tónleikahalds, en HIMA hefur starfað frá 2013 og NMFS hóf göngu sína 2016 í Árósum með aðsetur einnig í New York og Reykjavík. Þessar hátíðir bjóða sameiginlega upp á alhliða tónlistarnámskeið fyrir nemendur á öllum námsstigum með heimsklassa kennurum og listamönnum.

Nánari upplýsingar má finna á www.musicacademy.is og www.newmusicforstrings.org.