x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

HIMA 2019 – Unglistakonur II

Geirþrúður Anna Guðmundsdóttir sellóleikari og Jane Ade Sutarjo píanóleikari

Geirþrúður Anna Guðmundsdóttir hefur getið sér gott orð sem einn efnilegasti sellóleikari Íslands. Hún stundar nú meistaranám við hinn virta tónlistarháskóla Juilliard í New York en áður lauk hún bakkalárgráðu frá Northwestern University. Árið 2013 lék Geirþrúður Anna einleik með Sinfóníuhljómsveit Íslands og útskrifaðist með einleikarapróf frá Tónlistarskólanum í Reykjavík. Það sama ár var hún meðal fyrstu þátttakenda Alþjóðlegu tónlistarakademíunnar í Hörpu.

Jane Ade Sutarjo, sem fædd er í Jakarta í Indónesíu, flutti til Íslands árið 2008 og hóf þá framhaldsnám í tónlist við Listaháskóla Íslands. Hún kom fram sem einleikari með Sinfóníuhljómsveit Íslands 2011 og ári síðar vann hún fyrstu verðlaun í fimmtu píanókeppni Íslandsdeildar EPTA. Jane Ade lauk meistaraprófi frá tónlistarháskólanum í Noregi árið 2017 og starfar nú sem einleikari og meðleikari við Menntaskóla í tónlist, Tónskóla Sigursveins og víðar.

Geirþrúður Anna og Jane Ade eru meðal unglistakvenna Akademíunnar 2019. Á þessum hádegistónleikum munu þær leika saman sónötur fyrir selló og píanó eftir Beethoven og Prokofieff.