x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Heima í Hörpu

Lifandi tónlistarstreymi beint úr Eldborg

Þessi viðburður er liðinn

 

Harpa, Sinfóníuhljómsveit Íslands og Íslenska óperan taka höndum saman og bjóða upp á lifandi tónlistarstreymi úr Eldborg klukkan 11 flesta morgna á meðan samkomubann varir. Hverjir tónleikar vara í um 20 – 30 mínútur og er streymt á RÚV2, Facebook síðu Hörpu, Youtube-rás Hörpu og menningarvef RÚV.

 

DAGSKRÁ

Sunnudagur 22. mars

Gissur Páll Gissurarson og Árni Heiðar Karlsson flytja sígræn sönglög og aríur, úr suðri og norðri. Lög og ljóð eftir Puccini, Sigvalda Kaldalóns, Tosti og fleiri.

Mánudagur 23. mars

Tangóar og tríó eftir Atla Heimi Sveinsson, F. Borne og Jósep Haydn í flutningi hljóðfæraleikara Sinfóníuhljómsveitar ÍslandsÁshildar Haraldsdóttur, Bryndísar Höllu Gylfadóttur og Önnu Guðnýjar Guðmundsdóttur.

 

Þriðjudagur 24. mars

Kristján Jóhannsson og Bjarni Frímann Bjarnason flytja ítölsk og íslensk sönglög

 

Miðvikudagur 25. mars

Mozart á miðvikudegi – Serenaða í c-moll eftir W. A. Mozart í flutningi blásaraoktetts úr Sinfóníuhljómsveit Íslands.

 

Fimmtudagur 26. mars

Rússneskir og íslenskir ljóðasöngva í flutningi Nathalíu Druzin Halldórsdóttur og Önnu Guðnýjar Guðmundsdóttur.

Föstudagur 27. mars

Dúó Stemma skipað víóluleikaranum Herdísi Önnu Jónsdóttur og Steef van Oosterhout slagverksleikara úr Sinfóníuhljómsveit Íslands.

 

nudagur 30. mars

Sigrún Eðvaldsdóttir konsertmeistari Sinfóníuhljómsveitar Íslands og Anna Guðný Guðmundsdóttir píanóleikari og einn af meðlimum Sinfóníuhljómsveitar Íslands flytja heillandi prógram fyrir fiðlu og píanó.

 

Þriðjudagur 31. mars

Hallveig Rúnarsdóttir, sópran og Hrönn Þráinsdóttir píanóbjóða upp á heillandi dagskrá sem samanstendur af norrænum sönglögum eftirTryggva M. Baldvinsson, Hildigunni Rúnarsdóttur, Jean Sibelius og Edvard Grieg.

Miðvikudagur 1. apríl

Duo Harpverk er skipað Katie Buckley, hörpuleikara og Frank Aarnink, slagverksleikara sem bæði eru í Sinfóníuhljómsveit Íslands. Ásamt dansaranum Felix Urbina Alejandre úr Íslenska dansflokknum flytja þau spennandi dagskrá sem samanstendur af tónlist eftir Oliver Kentish og Daníel Bjarnason.

 

Fimmtudagur 2. apríl

Djassgítarleikarinn Andrés Þór Gunnlaugsson og píanóleikarinn Agnar Már Magnússon flytja seiðandi dagskrá þar sem samanfléttast frumsamdir ópusar og ástsælir og dúnmjúkir djassstandardar.


Föstudagur 3. apríl

Félagar í Sinfóníuhljómsveit Íslands, þau Nimrod Ron, túba, Nicola Lolli, fiðla, Justyna Bidler, fiðla,  Łucja Koczot,víóla og Steiney Sigurðardóttir, selló flytja undurfallega tónlist eftir Franz Schubert Jean Françaix og David Baker.

 

Mánudagur 6. apríl       

Una Sveinbjarnardóttir, fiðluleikari í Sinfóníuhljómsveit Íslands og Tinna Þorsteinsdóttir, píanóleikari flytja efnisskrá sem spannar margar aldir; allt frá tónlist eftir miðaldatónskáldið og galdranunnuna Hildegaard von Bingen og til okkar tíma.

Þriðjudagur 7. apríl

Aríur dagsins. Ástsælar óperuaríur í úrvalsflutningi íslenskra söngvara og Bjarna Frímanns Bjarnasonar.

Miðvikudagur 8. apríl  

Þórir Jóhannsson, kontrabassaleikari í Sinfóníuhljómsveit Íslands og píanóleikarinn Ingunn Hildur Hauksdóttir flétta saman spennandi tónlist eftir ungverska tónskáldið Zoltán Kodály og hinn þjóðkunna jazzbassaleikara Árna Egilsson.

Þriðjudagur 14. apríl

Aríur dagsins

Íslenskir einsöngvarar og Bjarni Frímann Bjarnason tónlistarstjóri Íslensku óperunnar flytja sígildar óperuaríur

Miðvikudagur 15. apríl

Franskir tónar
Blásarakvintett úr Sinfóníuhljómsveit flytur tónlist eftir franska tónskáldið Jean Francaix.

Björg Brjánsdóttir, flauta, Julia Hantschel óbó, Finn Schofield klarínett, Frank Hammarin horn og Bryndís Þórsdóttir fagott

Fimmtudagur 16.apríl

Tvíleikur. Hulda Jónsdóttir, fiðluleikari og sellistinn Ragnar Jónsson flétta saman tónlist eftir J. S. Bach, Honegger, Reinhold Glière og Þorkel Sigurbjörnsson.

Föstudagur 17. apríl

Brasskvintett úr Sinfóníuhljómsveit Íslands á sviðið að þessu sinni og leikur seiðandi tónlist eftir Malcolm Arnold, Leonard Bernstein, Magnús Eiríksson og Gabrieli.

Stefano Flaibani og Einar St. Jónsson, trompettar, Stefán Jón Bernharðsson, horn, Sigurður Sveinn Þorbergsson, básúna og Nimrod Ron, túba.

—————————————

Mánudagurinn 20. apríl

Kvintett úr SÍ flytur tónlist eftir Sergei Prokofiev

Kvintett ópus 39 eftir Sergei Prokofiev

Flytjendur: Páll Palomares, fiðla; Þórarinn Már Baldursson, víóla; Julia Hantschel, óbó; Grímur Helgason klarínett; Hávarður Tryggvason, kontrabassi

Þriðjudagur 21. apríl

Aríur dagsins

Íslenskir einsöngvarar flytja sígildar óperuaríur ásamt Bjarna Frímanni Bjarnasyni, píanóleikara og tónlistarstjóra Íslensku óperunnar.

Miðvikudagurinn 22. apríl

Beethoven og blásarar úr SÍ

Julia Hantschel og Peter Tompkin; óbó, Grímur Helgason og Finn Schofield, klarínett; Bryndís Þórsdóttir og Brjánn Ingason, fagott; Stefán Jón Bernharðsson, Asbjörn Bruun og Frank Hammarin, horn

Fimmtudagur 23. apríl

Sumardagskrá með Ingibjörgu Fríðu og Sigga.

Hin fjölhæfu Ingibjörg Fríða Helgadóttir og Sigurður Ingi Einarsson flétta saman dásamlegum tónum úr öllum áttum.

Föstudagur 24. apríl

Dúó Edda – Vera og Steiney

Dúó Eddu skipa þær Vera Panitch, fiðla og Steiney Sigurðardóttir, selló sem báðar eru félagar í Sinfóníuhljómsveit Íslands

—-

Mánudagur 27. apríl

Lolli og Halvorsen

Nicola Lolli konsertmeistari Sinfóníuhljómsveitar Íslands og Mathias Halvorsen píanóleikari flytja tónlist frá ólíkum öldum fyrir fiðlu og píanó.

Þriðjudagur 28. apríl

Aríur dagsins

Íslenskir einsöngvarar og Bjarni Frímann Bjarnason tónlistarstjóri Íslensku óperunnar flytja ástsælar óperuaríur og sönglög úr ýmsum áttum

Miðvikudagurinn 29. apríl

Nautið hann Ferdinand

Sigrún Eðvaldsdóttir, konsertmeistari SÍ og Bergþór Pálsson, barítonsöngvari flytja bráðskemmtilegt verk eftir Alan Ridout fyrir fiðlu og sögumann

Fimmtudagur 30. apríl

Voces Thules flytur miðaldamúsík að sínum hætti. Eggert Pálsson, Einar Jóhannesson, Eiríkur Hreinn Helgason, Eyjólfur Eyjólfsson, Sigurður Halldórsson syngja, blása í lúðra og berja á trumbur.

Föstudagurinn 1. maí

DÓH-tríó flytur seiðmagnaðan djass.

Tríóið er skipað Daníel Helgasyni, Óskari Kjartanssyni og Helga R. Heiðarssyni.