x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Hádegistónleikar í Norðurljósum – Strengjasveit Sinfóníuhljómsveitar Íslands

Þessi viðburður er liðinn

Á þessum hádegistónleikum leikur strengjasveit Sinfóníuhljómsveitar Íslands þætti úr konsertum eftir þá Corelli og Händel undir stjórn enska fiðluleikarans Matthews Truscott, sem hefur getið sér gott orð sem konsertmeistari upprunasveitarinnar Orchestra of the Age of Enlightenment. Barokktónlist hefur hátíðlegan blæ og þótt hún sé ekki meðal hinna daglegu verkefna stórra sinfóníuhljómsveita er ávallt gleðiefni þegar hún fær sitt rými á efnisskránni.

Arcangelo Corelli var meðal helstu meistara hljóðfæratónlistar á 17. öld, og konsertar hans fyrir strengjasveit eru meðal elstu hljómsveitarverka sem enn hljóma á tónleikum nú á dögum. Georg Friederich Händel var kynslóðinni yngri og er ekki síst frægur fyrir óperur sínar og óratoríur, en hann samdi einnig glæsilega konserta þar sem hann er einmitt undir áhrifum ítalskra meistara. Þessum tveimur snillingum var vel til vina. Corelli var frægasti tónlistarmaður Rómaborgar þegar Händel kom til borgarinnar ungur að árum, og Corelli leiddi hljómsveitina í sumum verkum þýska meistarans.

 

Aðgangur er ókeypis og allir velkomnir meðan húsrúm leyfir.

 

EFNISSKRÁ

Arcangelo Corelli: Concerto grosso op. 6 nr. 1

Georg Friderich Händel: Concerto grosso op. 6 nr. 7

 

KONSERTMEISTARI

Matthew Truscott