x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Gleðistund Sinfóníunnar – Kammertónleikar í Hörpu

Ókeypis tónleikar á 1. hæð Hörpu – Hornleikarar Sinfóníunnar og Dúó Edda

Þessi viðburður er liðinn

Hljóðfæraleikarar úr Sinfóníuhljómsveit Íslands bjóða upp á sannkallaða gleðistund á fyrstu hæð Hörpu kl. 17:30 á föstudögum í september þar sem flutt verður fjölbreytt og skemmtileg kammertónlist.

Á þessum fyrstu kammertónleikum flytja hornleikarar hljómsveitarinnar nokkur sérvalin og fjörug verk. Horndeild Sinfóníuhljómsveitar Íslands skipa þeir Asbjørn Ibsen Bruun, Emil Friðfinnson, Frank Hammarin, Joseph Ognibene og Stefán Jón Bernharðsson. Ásamt þeim flytur strengjadúettinn Dúó Edda, skipuð Veru Panitch og Steineyju Sigurðardóttur, sónötu fyrir fiðlu og selló eftir Maurice Ravel.

Á meðan hefðbundið tónleikahald getur ekki farið fram býður hljómsveitin upp á sérsniðna dagskrá í september með þrennum kammertónleikum og fernum sjónvarpstónleikum í Eldborg sem sendir eru út á RÚV. Kammertónleikarnir eru haldnir á 1. hæð í Hörpu þar sem hljóðfæraleikarar Sinfóníunnar flytja fjölbreytta kammertónlist. Hér getur þú lesið nánar um alla kammertónleika hljómsveitarinnar í september.

Veitingastaðurinn opnar kl. 16:30 en þar verður hægt að kaupa léttar veitingar og tapas-disk. Komdu og njóttu tónlistarinnar í fallegu og rólegu umhverfi. Tónleikarnir eru ókeypis.

EFNISSKRÁ
Wolfgang Amadeus Mozart: Forleikurinn að Töfraflautunni
Anthony Plog: Hornkvartett nr. 1
Kerry Turner: The Casbah of Tetouan
Maurice Ravel: Sónata fyrir fiðlu og selló

FLYTJENDUR
Horndeild Sinfóníunnar
Dúó Edda

Deila