x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Frönsk veisla – Sinfóníuhljómsveit Íslands

Þessi viðburður er liðinn

Yan Pascal Tortelier, aðalstjórnandi Sinfóníuhljómsveitar Íslands, býður til sinfónískrar veislu þar sem flutt verða létt og aðgengileg tónverk frá heimalandi hans. Leiknir verða nokkrir vinsælir þættir úr verkum Offenbachs, meðal annars forleikurinn að Parísarlífi og hinn víðfrægi Can-Can dans úr óperettunni Orfeus í undirheimum. Einnig hljóma tvö gjörólík verk eftir Maurice Ravel, fjörug valsasyrpa og hið ljúfsára Pavane fyrir látna prinsessu. Lærisveinn galdrameistarans er eitt frægasta tónaljóð franskrar tónlistar og margir þekkja það úr teiknimyndinni sívinsælu Fantasíu. Konsert Poulencs fyrir tvö píanó frá árinu 1932 er sannkallað meistaraverk sem spannar vítt róf hvað stíl snertir, allt frá Mozart til djasstónlistar.

Hollensku bræðurnir Lucas og Arthur Jussen eru meðal skærustu ungstirna píanóheimsins. Þeir hafa unnið til fjölda verðlauna og hljóðritað fjóra diska fyrir Deutsche Grammophon sem allir hafa hlotið frábæra dóma í heimspressunni. Þeir bræður vöktu mikla athygli fyrir tónleika sína í Hörpu fyrir fáeinum árum og snúa nú aftur til Íslands með einn frægasta tvíkonsert allra tíma í farteskinu.

  • Efnisskrá

    Paul Dukas Lærisveinn galdrameistarans
    Maurice Ravel Valses nobles et sentimentales
    Francis Poulenc Konsert fyrir tvö píanó
    Maurice Ravel Pavane fyrir látna prinsessu
    Jacques Offenbach Þættir úr Gaîté Parisienne

    HLJÓMSVEITARSTJÓRI
    Yan Pascal Tortelier

    EINLEIKARAR
    Lucas og Arthur Jussen

    Tónleikakynning í Hörpuhorni » 18:00