x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Fjögur horn og flautukonsert – Sinfóníuhljómsveit Íslands

Horndeild Sinfóníuhljómsveitar Íslands er feykisterkur hópur frábærra tónlistarmanna og nú gefst fágætt tækifæri til að heyra þá í sviðsljósi einleikarans, í Konsertstykki fyrir fjögur horn eftir Robert Schumann. Þetta er glæsileg tónsmíð sem sýnir hornaflokkinn í sínu allra besta ljósi.

Tónlist fyrir strengi, slagverk og selestu er lykilverk á ferli Béla Bartóks, samið árið 1936. Það hefur verið kallað „ein fullkomnasta tónsmíð sem Bartók samdi“ og sagt að það spanni þær andstæður sem gera list hans svo hrífandi: „það er frumstætt og fágað, villt og hamið, kyrrlátt og ógnvekjandi, alvarlegt og spaugilegt“. Einnig hljómar á tónleikunum glitrandi flautukonsert eftir Kaiju Saariaho, sem er eitt fremsta tónskáld samtímans. Hún samdi verkið, sem útleggst sem Draumvængur á íslensku, innblásin af fuglasöng í sínum ýmsu myndum, en einnig af sögum frumbyggja í Ástralíu. Verkið hefur fengið frábæra dóma og er almennt talið einn mikilvægasti flautukonsert síðustu áratuga.

Leiðbeiningar til tónleikagesta
Í ljósi hertra samkomutakmarkanna er miðaframboð á tónleikana takmarkað við 100 manns í hvert sóttvarnarhólf. Í það minnsta eitt autt sæti er á milli allra pantana til að tryggja nálægðarmörk milli gesta. Athugið að samkvæmt sóttvarnarlögum ber gestum skylda að vera með grímu á tónleikunum. Við biðjum gesti að gæta vel að sóttvarnarreglum og kynna sér leiðbeiningar til tónleikagesta áður en mætt er á tónleikana. Stöndum saman, við erum öll almannavarnir.

Áskrift að tvennum tónleikum eða fleiri veitir þér besta verðið með 20% afslætti.

  • Efnisskrá

    Kaija Saariaho Aile du songe, flautukonsert
    Béla Bartók Tónlist fyrir strengi, slagverk og selestu
    Robert Schumann Konzertstück fyrir fjögur horn og hljómsveit

    HLJÓMSVEITARSTJÓRI
    Eva Ollikainen

    EINLEIKARAR
    Áshildur Haraldsdóttir flauta
    Stefán Jón Bernharðsson horn
    Asbjørn Ibsen Bruun horn
    Joseph Ognibene horn
    Frank Hammarin horn

Deila