x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Fiðrildi og fiðurfé – RMM

Segja má að fyrri hluti þessara tónleika sé borinn uppi af vængjum fiðrilda, en á efnisskránni eru verk tveggja risa í norrænni samtímatónlist sem bæði hverfast um þetta tákn hins fíngerða forgengileika, fiðrildið. Finnska tónskáldið Kaija Saariaho leitaði á náðir fiðrildanna eftir að hafa fengið nóg af bólgnum ástríðum óperuheimsins árið 2000 og samdi Sept Papillon, Sjö fiðrildi – safn smámynda fyrir einleiksselló, þar sem hver kafli veitir mismunandi sjónarhorn á hina töfrandi lífveru og hreyfingar hennar. Danska tónskáldið Bent Sørensen samdi hins vegar stóran þríleik kammerverka undir heitinu Papillons, eða Fiðrildi, á árunum 2013-14, og er píanókvintettinn Rosenbad lokaverkið í þríleiknum, fullt af óræðum og draumkenndum tilfinningum og hughrifum.

Eftir hlé taka aðrar vængjaðar verur við af fiðrildunum, en þá leika hinar óviðjafnanlegu frönsku Labèque-systur Gæsamömmusvítu franska tónskáldsins Maurice Ravel, hrífandi og þokkafullt verk í fimm köflum. Í lokaverki tónleikanna bætast svo enn fleiri skepnur, fleygar og ófleygar, við efnisskrána, en það er Karnival dýranna eftir Camille Saint-Saëns. Yfirbragð verksins er bæði fágað og léttúðugt í senn – en í því býr einnig óhefluð andagift tónskálds sem sleppir fram af sér beislinu og leyfir barninu í sér að njóta sín.


Efnisskrá:

Kaija Saariaho                        Sept Papillion (2000)
Bent Sørensen                       Rosenbad – Papillion (2013 – 2014)

Hlé

Maurice Ravel                           Gæsamömmusvíta (1910)
Camille Saint-Saëns               Karnival dýranna (1886)

Listamenn:

Anahit Kurtikyan, fiðla
Ilya Gringolts, fiðla
Yura Lee, víóla
Jakob Koranyi, selló
Katia Labèque, píanó
Marielle Labèque, píanó
Yura Lee, víóla
Víkingur Heiðar Ólafsson, píanó