x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

EPICYCLE : Gyða Valtýsdóttir

Handhafi tónlistarverðlauna Norðurlandaráðs 2019

Gyða Valtýsdóttir kemur fram ásamt tónlistarfólki í fremstu röð á einstökum tónleikum á Listahátíð í Reykjavík í Norðurljósum, Hörpu.

Hér rennur saman ævafornt og nýtt, heillandi útsetningar Gyðu á tónlist tónskálda á borð við galdranunnuna Hildegard von Bingen og franska dulhyggjumanninn Olivier Messiaen í bland við magnaða tónheima tónlistarfólks eins og Skúla Sverrissonar, Daníels Bjarnasonar, Kjartans Sveinssonar og Ólafar Arnalds sem ásamt fleirum eiga tónlist á nýrri plötu Gyðu, Epicycle II.

Titillinn Epicycle vísar til stjörnukerfis Ptólómeusar og vel má líkja hljóðheimi Gyðu við víðfeðmt og tilfinningaríkt sólkerfi. Hún er einn stofnmeðlima hljómsveitarinnar múm og hefur starfað með breiðum hópi listafólks úr ólíkum áttum, komið fram á tónleikum um víða veröld og samið kvikmyndatónlist. Árið 2019 vann Gyða til hinna virtu Tónlistarverðlauna Norðurlandaráðs. Eins og dómnefndin orðaði það hefur hún „mikla sérstöðu sem flytjandi og nærvera hennar á sviði er bæði heillandi og einstök – viðkvæm, óræð en jafnframt kraftmikil.“

Flytjendur
Gyða Valtýsdóttir – Selló og söngur
Daníel Friðrik Böðvarsson – gítar
Kjartan Sveinsson – píanó
Skúli Sverrisson – bassi
Úlfur Hansson – Orichalcum
Magnús Trygvason Eliassen – slagverk
Kristín Anna Valtýsdóttir – söngur
Ásthildur Valtýsdóttir – söngur

Deila