x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Dúndurfréttir – Abbey Road 50 ára

Í tilefni af samkomubanni verðum við því miður að fresta hljómleikum Dúndurfrétta – Abbey Road sem áttu að fara fram þann 28. mars í Eldborg. Örvæntið þó ekki því við höfum fundið aðra frábæra dagsetningu í haust, eða laugardaginn 3. október. Miðarnir gilda að sjálfsögðu þá. 

Dúndurfréttir héldu stórkostlega tónleika í haust þar sem þeir fluttu meistarastykkið Abbey Road í heild sinni í tilefni af 50 ára afmæli plötunnar.

Nú ætla þeir að endurtaka leikinn í vor í Eldborg.

Plata Bítlanna – Abbey Road kom út þann 26. september árið 1969 og því eru rétt um 50 ár liðin frá því þetta meistaraverk Bítlanna leit dagsins ljós. Í tilefni af stórafmælinu ætlar strákarnir í Dúndurfréttum að flytja Abbey Road í heild sinni í Eldborg í mars 2020.

Abbey Road kom út, eins og áður sagði, árið 1969 og var í raun síðasta plata Bítlanna. Let It Be kom út seinna en upptökum á þeirri plötu var lokið áður en vinnan hófst við Abbey Road. Fór hún rakleiðis á toppinn í flestum löndum heims og var t.d. í 17 vikur í efsta sætinu í Bretlandi. Platan hefur nú selst í yfir 30 milljónum eintaka og er enn að seljast gríðarvel.

Það verður því enginn sannur Bítlaaðdáandi svikinn af að mæta í Eldborg laugardaginn 28. mars þar sem andi Bítlana mun
svífa yfir salinn.

Umsjón: Tónleikur ehf