x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

DesignTalks 2017

Brut Nature

Þessi viðburður er liðinn

DesignTalks er einstakur viðburður sem áhugafólk um nýjustu strauma og stefnur í hönnun og arkitektúr lætur ekki framhjá sér fara. Fyrirlestradeginum er ætlað að veita áhrifafólki í viðskiptum, stjórnvöldum, almenningi og hönnuðum innblástur til samstarfs og framfara.

Meðal staðfestra fyrirlesarar 2017 eru: Christien Meindertsma, sem vekur okkur til umhugsunar um hráefni og úrvinnslu þeirra sem hefur orðið okkur ósýnileg og fjarlæg í framleiðsluháttum nútímans, t.a.m. í  PIG 05049; Ersin Han Ersin hjá Marshmallow Laser Feast, hönnunarstofa sem hefur rannsakað tækni sem miðar að því að endurskilgreina hugmyndina um mannlega skynjun; Michele Degen leitast við að brjóta staðalímyndir og viðteknar venjur og tabú. Með píkuskoðunarspeglinum Vulva Versa vill hún eyða skömminni við nána sjálfsskoðun og opna á samtal, ekki aðeins meðal kvenna, heldur meðal samfélagsins í heild; Breski iðnhönnuðurinn Alexander Taylor, frumkvöðull og ráðgjafi, sem nýverið hannaði Adidas x Parley skó úr veiðarfærum og plasti sem áður menguðu sjó, og Paul Bennett, CCO hjá IDEO, brautryðjandi hönnunarfyrirtæki sem hvetur hönnunarsamfélagið til að takast á við verkefni á svo stórum skala að þau séu til bóta og framfara fyrir samfélagið í heild. Ekkert viðfangsefni er ósnert en nýjasta verkefni þeirra Powerful Now gengur út á að endurskilgreina öldrun. Paul Bennett er einnig meðstjórnandi DesignTalks í ár.

Á DesignTalks 2017 er kominn tími til að skoða samband okkar við náttúruna – við hvort annað – og okkur sjálf. Vð könnum hvort og hvernig óvissa og óstöðugleiki knúi fram leit okkar að hinu tæra, sanna og því hráa. Leit að fegurð og jafnvel ljótleika líka. Hvernig við reynum að endurvekja tengslin við náttúruna og sjálfið með eflingu skilningavitanna í gegnum ósvikna reynslu, en á stundum einnig með mótsagnakenndri hjálp tækninnar. Á sama tíma og borgirnar kljást við öran vöxt, íbúarnir takast á við aukna mannmergð og nýja nágranna, er hvert og eitt okkar á harðahlaupum til bjargar sjálfum okkur – og móður jörð.

Listrænn stjórnandi DesignTalks er Hlín Helga Guðlaugsdóttir, hönnuður, framtíðarrýnir og ráðgjafi hjá Capacent. Meðstjórnandi DesignTalks 2017 er Paul Bennett hjá IDEO.

DesignTalks er skipulagður af Hönnunarmiðstöð Íslands með stuðningi frá Arion banka og Reykjavíkurborg.

Meira um DesignTalks